चित्रपटाच्या स्टोरीला लाजवेल अशी लव्हस्टोरी
युजवेंद्र धनश्रीच्या लग्नाला अवघी दीड वर्ष झालीत… मग त्यांच्यात असं काय बिनसलं की त्यांच्या काडीमोडीच्या चर्चा होऊ लागल्या आहेत, असा प्रश्न चाहत्यांना पडला आहे. पण या दोघांची लव्हस्टोरीही तितकीच रंजक आहे. एखाद्या चित्रपटाच्या स्टोरीला लाजवेल अशी त्यांच्या मैत्रीची आणि लग्नाची स्टोरी आहे. संपूर्ण देशात कोरोनाचा धुमाकूळ सुरु असताना २०२० च्या लॉकडाऊन दरम्यान दोघे एकमेकांना भेटले. धनश्रीच्या डान्स क्लासमध्ये युजवेंद्रने प्रवेश घेतला होता. यादरम्यान दोघांमध्ये खूप चांगली मैत्री झाली. नाच करताना दोघांचा हात कधी एकमेकांच्या हातात आला, हे त्यांनाही कळलं नाही. प्रेमात पडलेल्या धनश्री-युजवेंद्रने लगोलग लग्नाचा निर्णय घेतला.
अन् लग्नाचा बार उडाला…
फार काळ दोघांनी एकमेकांना डेट केलं नाही. प्रेमात पडल्यानंतरच्या तीन महिन्यातच त्यांनी लग्नाचा निर्णय घेतल्याने नातेवाईक-जवळचे मित्र मैत्रिणी आणि आप्तेष्ठांच्या उपस्थितीत २२ डिसेंबर २०२० रोजी दोघांनीही साथ फेरे घेतले. चहलच्या लग्नाच्या वेळी भारतीय संघ ऑस्ट्रेलिया दौऱ्यावर होता. त्यामुळे अनेक खेळाडू चहलच्या लग्नाला अनुपस्थित होते. धुमधडाक्यात दोघांचं लग्न पार पडलं. धनश्री-युजवेंद्रच्या बॉडिंगची देखील मोठ्या प्रमाणात चर्चा झाली.
वैद्यकशास्त्राचं शिक्षण, पुढे डान्सकडे वळण्याचा निर्णय
धनश्री वर्मा पेशाने डेंटिस्ट आहेत. मुंबईतील एका कॉलेजमधून तिने वैद्यकशास्त्राचं शिक्षण घेतले आहे. पण लहानपणापासूनच तिला नृत्याची आवड होती. त्यामुळे आपलं करिअर म्हणूनच ती नृत्याकडे वळली. २०१७ मध्ये तिने स्वत:चं यूट्यूब चॅनल तयार केले. अल्पवधीतच तिचे नृत्याचे व्हिडीओ सोशल मीडियावर व्हायरल होऊ लागले. लोकही तिच्या नृत्याला पसंत करु लागले. भरीस भर म्हणजे कोरोना काळात लॉकडाऊनमुळे घरात बसलेल्या लोकांना धनश्रीच्या व्हिडीओने वेड लावलं. फार थोड्या काळात ती खूप प्रसिद्ध झाली.
हृतिकशी भेट आणि धनश्रीचं आयुष्य बदललं…
धनश्री वर्माला नृत्याची आवड कशी निर्माण झाली, याचीही खास स्टोरी आहे. अभिनेता हृतिक रोशनशी झालेल्या भेटीनंतर तिचं मन नृत्याकडे आकर्षित झालं. यानंतर तिने डान्स विश्वातच करिअर करायचा निर्णय घेतला. खूप कष्टाने तिने डान्स विश्वात ओळख मिळवली. अनेकानेक डान्स प्रकार अवगत करुन घेतले. सातत्याने प्रॅक्टिस करुन नृत्यामध्ये पारंगत होण्यासाठी तिने कष्ट घेतले. तिच्या कष्टाच्या जोरावर तिने डान्स विश्वास आपलं वेगळं स्थान निर्माण केलंय.
धनश्रीचा डान्स’क्लास’
सध्या धनश्री वर्मा हे कोरिओग्राफी जगतातलं मोठं आणि प्रसिद्ध नाव आहे. तिच्या डान्सच्या स्टेपही युनिक असल्याने त्या लगोलग लक्षात राहतात. नवनवीन गाण्यांवर, अल्बम गीतांवर ती थिरकत असते. धनश्रीच्या लोकप्रियतेचा अंदाज यावरून लावला जाऊ शकतो की तिच्या यूट्यूब चॅनेलचे आता २६.४ लाखांहून अधिक सबस्क्रायबर आहेत. धनश्री बॉलीवूडची गाणी रिक्रिएट करते. याव्यतिरिक्त, ती तिच्या विद्यार्थ्यांना हिप-हॉपचे देखील ट्रेनिंग देते. तिच्या विद्यार्थ्यांचे डान्स व्हिडीओ देखील सोशल मीडियावर व्हायरल होत असतात.
फिरकीचा मास्टर, बुद्धिवान खेळाडू
युजवेंद्र चहल तर फिरकीचा मास्टर आहे. आपल्या फिरकीच्या जाळ्यात त्याने भल्याभल्या दिग्गजांना ओढलंय. २०१६ मध्ये चहलने भारतासाठी पदार्पण केलं. चहलच्या नावावर ६७ एकदिवसीय सामन्यांमध्ये ११८ विकेट्स आणि ६२ टी-20 आंतरराष्ट्रीय सामन्यांमध्ये ७९ बळी आहेत. टी ट्वेन्टीमध्ये तर सध्या त्याचा हात कुणी धरत नाही. आपल्या बुद्धिचातुर्याच्या जोरावर तो प्रतिस्पर्ध्यांना चकवा देण्यात माहिर मानला जातो. टी ट्वेन्टी आंतरराष्ट्रीय सामन्यांमध्ये भारतासाठी सर्वाधिक बळी घेणारा तो फिरकीपटू आहे. तसेच आयपीएलमध्ये चहलच्या नावावर १६६ विकेट्स आहेत.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
