लाइव्ह चॅटमध्ये जातिवाचक शब्द वापरल्यामुळे भारताचा माजी अष्ठपैलू खेळाडू युवराज सिंगने अडचणीत आला आहे. काल दिवसभर युवराज विरुद्ध सोशल मीडियावरील हॅशटॅग आंदोलन आता आणखी तीव्र झाले आहे. त्यामुळे आता युवराजविरोधात पोलिस स्थानकात तक्रार दाखल करण्यात आली आहे.
दोन दिवसांपासून सोशल मीडियावर युवराज सिंगचा एक व्हिडिओ व्हायरल होत आहे. या व्हिडिओत युवराज सिंग लाइव्ह चॅटमध्ये रोहित शर्माशी बोलत आहेत. त्यात कुलदीप यादव आणि युजवेंद्र चहल यांच्या संदर्भात बोलताना गंमतीने एक कमेंट केली. युवराजने जातीवाचक शब्द वापरल्याने सोशल मीडियावर #युवराज_सिंह_माफी_मांगो हा हॅशटॅग ट्रेंडमध्ये आला होता. यामुळे आता युवराजच्या अडचणीत चांगलीच वाढ झाल्याचे पाहायला मिळत आहे. आता युवराजला अटक होणार की तो यापूर्वी जामीन मिळवणार, हे पाहावे लागणार आहे. पण हे प्रकरण युवराजला चांगलेच भोवल्याचे पाहायला मिळत आहे.
सामाजिक कार्यकर्ते आणि वकिल असलेल्या रजत कलसन यांनी हरियाणातील हांसी येथील पोलिस अधिक्षकांकडे तक्रार केली आहे. कलसन हे दलित अधिकाराचे कार्यकर्ते आहेत. कलसन यांनी युवराजविरोधात तक्रार दाखल करत, जातीय तेढ वाढवल्यामुळे त्याला अटक करण्यात यावी, अशी मागणी केली आहे. त्यामुळए आता युवराजला खरं अटक होणार का, याकडे चाहत्यांचे लक्ष आहे.
रोहितसोबत बोलताना युवराजने या दोन क्रिकेटपटूंबद्दल गंमतीने जातीवाचक शब्द वापरले. हा शब्द वाल्मिकी समाजाबद्दल होता. आता यावरून सोशल मीडीयावर युवराजने माफी मागावी अशी मागणी केली जात होती. चॅटमध्ये युवराज आणि रोहित दोघे फिरकीपटू चहलच्या टिकटॉक व्हिडिओवर बोलत होते. आता हा व्हिडीओ युवराजला किती महाग पडतो, हे पाहावे लागेल.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
