वाचा-
इंग्लंडचा असा एक लेग स्पिनर ज्याचे करिअर फक्त १३ कसोटी सामन्याचे राहिले. पण या गोलंदाजाने सातव्या कसोटी सामन्यात अशी काही कामगिरी केली की ज्यामुळे त्याची आठवण आज देखील काढली जाते. यांचा जन्म आजच्या दिवशी १९१२ साली झाला. एरिक यांना ऑस्ट्रेलियाविरुद्ध एकच कसोटी सामना खेळण्याची संधी मिळाली. पण या एका संधीने एरिक यांनी इतिहासात स्थान मिळवले.
पाहा-
ज्या गोलंदाजामुळे सर डॉन ब्रॅडमन यांना १००ची सरासरी गाठता आली नाही तो म्हणजे एरिक होलीज होय. ब्रॅडमन यांना त्यांच्या अखेरच्या कसोटी सामन्यात १००ची सरासरी गाठण्यासाठी फक्त चार धावांची गरज होती. एरिक यांनी क्रिकेटमधील या डॉनला शून्यावर बोल्ड केले. ब्रॅडमन यांची ही विकेट क्रिकेट इतिहासातील सर्वात मोठा झटका मानला जातो.
वाचा-
ऑस्ट्रेलियाचा संघ १९४८ साली पाच कसोटी सामन्यांच्या मालिकेसाठी इंग्लंड दौऱ्यावर आला होता. मालिकेतील अखेरचा सामना ओव्हल मैदानावर झाला. या सामन्यात सर्वांची नजर होती ब्रॅडमन यांच्यावर, कारण १००ची सरासरी गाठण्यासाठी त्यांना ४ धावांची गरज होती. १४ ऑगस्ट १९४८ रोजी पहिल्या दिवशी इंग्लंडचा डाव ५२ धावांवर गुंडाळण्यात आला. ऑस्ट्रेलियाने पहिल्या विकेटसाठी ११७ धावांची भागिदारी करत धमाकेदार सुरुवात केली. पण त्यानंतर जे झाले ते धक्कादायक होते.
वाचा-
ब्रॅडमन खेळण्यास आले आणि चेंडू होता एरिक होलीज यांच्याकडे… असे गोलंदाज ज्यांच्याकडे कसोटी क्रिकेटचा अनुभव नव्हता. एरिक यांचा पहिला चेंडू ब्रॅडमन यांनी सिली मिड ऑफला खेळला. दुसरा चेंडू एरिक यांनी गुगली टाकला जो ब्रॅडमन यांना समजला नाही आणि तो बोल्ड झाले. एरिक यांच्या या दोन चेंडूनी ब्रॅडमन यांच्या क्रिकेट करिअरचा शेवट झाला.
इंग्लंडने ही कसोटी एका डावाने गमावली. ब्रॅडमन यांना दुसऱ्या कसोटीत खेळण्याची संधी मिळाली नाही. अखेर त्यांना ५२ कसोटीत ९९.९४च्या सरासरीने धावा करता आल्या. इतक नव्हे तर त्यांना ७ हजार धावा पूर्ण करता आल्या नाही.
एरिक होलीज यांनी १३ कसोटी सामन्यात ४४ विकेट घेतल्या. प्रथम श्रेणीचा विचार केल्यास त्यांनी २५ वर्षात ५१५ सामन्यात २ हजार ३२३ विकेट घेतल्या. १९८१ साली वयाच्या ६८ वर्षी त्यांचे निधन झाले.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
