मीडिया रिपोर्टनुसार, नताशा आणि हार्दिक यांची पहिली भेट मुंबईतील एका नाईट क्लबमध्ये झाली होती. यानंतर दोघांमध्ये मैत्री झाली आणि भेटी- गाठी वाढल्या. अगदी कमी वेळात दोघं एकमेकांच्या आकंठ प्रेमात बुडाले. त्यानंतर एका पार्टीमध्ये हार्दिकने आपला भाऊ कृणाल आणि वहिनी पंखूडीबरोबर नताशाची भेट घडवून दिली.
सर्बियामध्ये जन्मलेल्या नताशाने वयाच्या तिसऱ्या वर्षी नृत्य शिकायला सुरुवात केली होती. १७ व्या वर्षी तिनं मॉडर्न स्कूल ऑफ बॅलेमध्ये प्रवेश घेतला. २०१०मध्ये मिस स्पोर्ट्स सर्बियाचा पुरस्कार जिंकल्यानंतर अभिनय आणि नृत्य यात करिअर करण्याचा निर्णय घेतला. हेच स्वप्न पूर्ण करण्यासाठी तिने २०१२मध्ये बॉलिवूडमध्ये पाऊल ठेवले. बिग बॉसच्या आठव्या पर्वातून तिला खरी ओळख मिळाली. प्रकाश झा दिग्दर्शित सत्याग्रह सिनेमातून तिने अभिनयाची सुरुवात केली होती. या सिनेमात तिने आयटम साँग केले होते.
काही दिवसांपूर्वी झालेल्या नच बलिये या कार्यक्रमात नताशा आपला एक्स बॉयफ्रेंड एल. गोनीबरोबर दिसली होती. हार्दिक आणि नताशा यांची गूड न्यूज गोनीलही समजली आहे. गोनीने ही गोड बातमी ऐकल्यावर आपली प्रतिक्रीयाही दिली आहे. गोनीने या बातमीनंतर इंस्टाग्रामवर एक पोस्ट लिहीली आहे. या पोस्टमध्ये, तुम्हा दोघांनाही देवाकडून भरभरून आशिर्वाद मिळोत, असे गोनीने म्हटले आहे.
हार्दिकने नववर्षाचे स्वागत नताशाबरोबर साखरपुडा करून केले होते. दुबईमध्ये हार्दिक आणि नताशा यांचा साखरपुडा झाला होता. त्यानंतर लॉकडाऊन सुरु झाले आणि नताशा ही हार्दिकच्या घरीच राहत होती. आता नताशा आणि हार्दिक यांचे लग्न झाल्याचे फोटो चाहत्यांनी व्हायरल केले आहेत.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
