विराट सोबत खेळण्याची संधी मिळते, मी भाग्यवान!

मुंबई: सध्या आंतरराष्ट्रीय क्रिकेटमधील दिग्गज फलंदाजांमध्ये विराट कोहलीचा समावेश होतो. विराट फलंदाजी सोबतच त्याच्या नेतृत्वगुणांमुळे ओळखला जातो. विराट सोबत क्रिकेट खेळण्याची संधी मिळाल्यामुळे मी स्वत:ला लकी समजतो, असे मत एका दिग्गज खेळाडूने व्यक्त केले आहे.

वाचा-
विराट कोहलीला मी अगदी युवा क्रिकेटपटू असतानापासून पाहत आहे आणि त्याच्या सोबत क्रिकेट खेळत असल्याचे न्यूझीलंडचा कर्णधार याने म्हटले आहे. मलेशियात २००८ मध्ये झालेल्या १९ वर्षाखालील आयसीसी वर्ल्ड कप स्पर्धे मी सोबत खेळलो होतो. तेव्हा भारताने वर्ल्ड कप जिंकला होता. या स्पर्धेत विराटच्या नेतृत्वाखाली सेमी फायनलमध्ये न्यूझीलंडचा पराभव केला. तेव्हा विलियमसन न्यूझीलंडचा कर्णधार होता. २००८ च्या वर्ल्ड कप स्पर्धेत रवींद्र जडेजा, ट्रेंट बोल्ट आणि टीम साउदी हे खेळाडू देखील होते.

वाचा-
आम्ही दोघे दिर्घ काळापासून एकमेकांच्या विरुद्ध खेळत आहोत. पण गेल्या अनेक वर्षांपासून आम्ही क्रिकेटसंदर्भात विचार शेअर करत आहोत. खेळ आणि मैदानावरील वर्तन याबाबत आम्ही दोघे वेगवेगळे आहोत. तरी आमचे विचार एकच आहेत, असे केनने स्टार स्पोर्ट्सच्या क्रिकेट कनेक्टेड या कार्यक्रमात सांगितले.

वाचा- .

भारताने या वर्षी न्यूझीलंड दौरा केला होता. तेव्हा विराट आणि विलियमसन यांच्या मैत्रीची चर्चा क्रिकेट जगतात झाली होती. हे दोन्ही कर्णधार सीमारेषेच्या बाहेर बसून बोलतानाचा एक फोटो सोशल मीडियावर व्हायरल झाला होता.

वाचा-
काही दिवसांपूर्वी विराटने केन सोबतचा एक फोटो शेअर केला होता. हा फोटो शेअर करताना विराट म्हणाला होता, ‘आपल्यातील चर्चा खुप छान व्हायच्या. एक चांगला व्यक्ती’

भारतीय संघ न्यूझीलंडच्या दौऱ्यावर गेला होता तेव्हा विराट कोहली म्हणाला होती की, न्यूझीलंड संघाची वागणूक इतकी चांगली होती की त्यांचा द्वेष करता येणार नाही.