वाचा-
हमसा कोया यांना करोनाची लागण झाली होती आणि मल्लपूरम रुग्णालयात त्यांच्यावर उपचार सुरू होते. मुळचे पराप्पानांगडी येथील असलेले हमसा कोया मुंबईत राहत होते. त्यांनी संतोष ट्रॉफी स्पर्धेत महाराष्ट्राचे प्रतिनिधीत्व केले होते. त्याच बरोबर प्रसिद्ध फुटबॉल क्लब मोहन बागान आणि मोहम्मडन या स्पोर्ट्स क्लबकडून ते खेळले होते. हमसा कोया यांच्या निधनाने केरळमधील करोनामुळे मृत्युमुखी पडलेल्यांची संख्या १५ वर पोहोचली आहे.
वाचा-
हमसा कोया नेहरू ट्रॉफी स्पर्धेत राष्ट्रीय संघाकडून खेळले आहेत. २१ मे रोजी ते कुटुंबीयांसह केरळमध्ये आले होते. तेव्हापासून संपूर्ण कुटंबीय विलगिकरणात होते. कोया यांच्या कुटुंबातील अन्य पाच सदस्यांना करोनाची लागण झाली असून त्यांच्यावर रुग्णालयात उपचार सुरू आहेत.
वाचा-
मल्लपूरम जिल्ह्याचे आरोग्य अधिकारी डॉ.के.सकीना यांनी सांगितले की, पहिला कोया यांची पत्नी आणि मुलाला करोनाची लागण झाली होती. या दोघांना रुग्णालयात दाखल केले होते. त्यानंतर कोया यांना करोना लागण झाल्याचे आढळले. शनिवारी सकाळी त्यांनी अखेरचा श्वास घेतला.
हे देखील वाचा-
Sports News in Marathi: Latest Marathi News on Cricket, Football, Tennis, Hockey & more | Maharashtra Times
