वाचा-
अमेरिकेत जॉर्ज फ्लॉएडची पोलिसांनी हत्या केली असल्याचा आरोप करत वर्णद्वेषविरोधी आंदोलन सुरू झाले. त्याविरुद्ध क्रिकेटपटू देखील आवाज उठवत आहेत. सोशल मीडियावर सॅमीच्या स्क्रीनशॉट व्हायरल झाले. यात तो म्हणतो, आयपीएलमध्ये सनरायझर्सकडून खेळायचे तेव्हा मला आणि परेरा यांना या नावाने हाक मारली जायची. मला पहिला वाटायचे की याचा अर्थ ताकदवान घोडा असेल. पण आता अर्थ कळाल्यानंतर खुप राग येतो.
वाचा-
सनरायझर्स संघाकडून खेळलेला क्रिकेटपटू टी सुमन म्हणाला, जर असे काही झाले असेल तर गंमतीने म्हटले असेल. दुखावण्याच्या हेतूने नाही. तर सनरायझर्स संघाचे एक सदस्य म्हणाले, ज्या घटनेचा उल्लेख सॅमीने केला आहे तो कदाचित प्रेक्षकांशी संबंधित असेल. कोणत्याही खेळाडूने असे वक्तव्य केले नसावे.
वाचा-
बीसीसीआयचे कोषाध्यक्ष अरुण धुमल म्हणाले, ही अशी एक घटना आहे जी काही वर्षांपूर्वी झाली आणि आम्हाला माहित नाही की त्यासाठी कोण जबाबदार आहे. बीसीसीआयने नेहमीच आपल्या खेळाडूंना यासंदर्भात मार्गदर्शन केले आहे. खेळाडूंनी वर्णद्वेषी वक्तव्य करू नये. पण आपण ही गोष्ट लक्षात घेतली पाहिजे की प्रेक्षकांवर आपले नियंत्रण नाही. तरी देखील आम्ही अशी घटना पुन्हा होणार नाही याची काळजी घेऊ.
वाचा-
२०१४ साली सॅमी सोबत सनरायझर्स संघाकडून खेळलेला भारताचा माजी गोलंदाज इरफान पठाण म्हणाला, या घटनेची मला कल्पना नाही. सॅमी सोबत असे काही झाले आहे हे मला माहिती नाही. पण माझे काही दक्षिण भारतातील मित्र देव्हा उत्तर भारतात खेळण्यासाठी येतात त्यांना असे अनुभव आले आहेत. काही वेळा प्रेक्षक अशी कमेंट करतात.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
