मुंबई: बहुचर्चित अशा आशिया कप २०२२ येत्या २७ ऑगस्टपासून सुरू होणार आहे. आशिया कप २०२२ चे यजमानपद यंदा श्रीलंकेकडे असून हे सामने यूएई मध्ये खेळवले जातील. या सामन्यांसाठी प्रत्येक संघाने जोरदार तयारी केली आहे. तर पाकिस्तानसोबतच अनेक संघ देखील यूएईमध्ये दाखल झाले आहेत.

आशिया कप साठीचे पात्रता फेरीतील सामने सुरू झाले आहेत. तर गट सामने २७ ऑगस्टपासून सुरू होणार आहेत. अवघ्या काही दिवसांवर येऊन ठेपलेली ही स्पर्धा नेमकी किती संघांमध्ये, किती लढती होत आणि कोणत्या वेळेत खेळवली जाईल, याची सर्वांनाच उत्सुकता आहे. चला तर मग जाणून घेऊया आशिया चषकाचे वेळापत्रक कसे असेल.

आशिया कपचे वेळापत्रक

यंदाच्या आशिया कपचे यजमानपद श्रीलंकेकडे असल्याने हे सामने श्रीलंकेत होणार होते, परंतु घरगुती हिंसाचार आणि आर्थिक दिवाळखोरीमुळे ते यूएईमध्ये खेळवण्याचा निर्णय घेतला गेला. ही स्पर्धा २७ ऑगस्ट ते १३ सप्टेंबर दरम्यान खेळवली जाणार आहे. १३ सप्टेंबरला आशिया कपचा अंतिम सामना खेळवला जाईल.

टी-२० क्रिकेट काही जणांसाठी धंदा बनलेला आहे, बेन स्टोक्स असं का म्हणाला जाणून घ्या…

आशिया कप कधी आणि कुठे पाहता येईल

भारतीय वेळेनुसार संध्याकाळी ७:३० पासून आशिया कपच्या सामन्यांना सुरुवात होईल. त्यांचे टीव्हीवरील थेट प्रक्षेपण स्टार स्पोर्ट्स नेटवर्कवर पाहता येईल. तसेच, डीझनी प्लस हॉटस्टार (Disney + Hotstar) वर लाइव्ह स्ट्रीमिंग देखील पाहता येईल.

किती संघ असतील

आशिया कपमध्ये ६ संघ सहभागी होत आहेत. हे ६ संघ दोन गटात विभागलेले आहेत. भारत आणि पाकिस्तान अ गटात आहेत. तर ब गटात श्रीलंका, बांग्लादेश आणि अफगाणिस्तान आहेत. पात्रता फेरीतून एक संघ निवडला जाईल. २१ ऑगस्टपासून हाँगकाँग, यूएई, कुवेत आणि सिंगापूर या ४ संघांमधील पात्रता फेरी सामने सुरू झाले आहेत. पात्रता फेरीतील विजेता संघ भारत-पाकिस्तान गटात असेल.

लक्ष्मण होऊ शकतात भारताचे आशिया चषकासाठी प्रशिक्षक, फक्त ही एकच आहे मोठी

किती सामने होतील

सहभागी झालेल्या या ६ संघांमध्ये एकूण १३ सामने खेळवले जाणार आहेत. यातील १० सामने दुबईत तर तीन सामने शारजाहमध्ये होणार आहेत. यामध्ये ग्रुप स्टेजमधील सर्व संघांमध्ये एकूण ६ सामने खेळवले जातील. यानंतर टॉप-२ संघ सुपर-४ मध्ये पोहोचतील, जिथे सर्व संघ एकमेकांविरुद्ध ६ सामने खेळतील. त्यानंतर सुपर-४ मधील टॉप-२ संघ अंतिम फेरीत विजेतेपदाचा सामना खेळतील. या स्पर्धेत भारत आणि पाकिस्तान यांच्यात ३ सामने पाहायला मिळू शकतात.

विजेतेपदासाठी एक संघ किती सामने खेळणार

ग्रुप स्टेजमध्ये संघाला फक्त २ सामने खेळावे लागतील. जर संघ सुपर-४ साठी पात्र ठरला, तरत्या संघाला ३ सामने खेळावे लागतील. त्यानंतर सुपर-४ मधील टॉप-२ संघ अंतिम फेरीत विजेतेपदाचा सामना खेळतील. अशाप्रकारे एखादा संघ अंतिम फेरीत पोहोचला, तर तो स्पर्धेत एकूण ६ सामने खेळेल.

करोना होऊनही राहुल द्रविड आशिया चषकापूर्वी युएईत दाखल होऊ शकतात, जाणून घ्या कसं…
आशिया कप कोणत्या फॉरमॅटमध्ये खेळवला जाईल

यावर्षी आशिया कप टी-२० फॉरमॅटमध्ये खेळवला जाणार आहे. याचे कारण म्हणजे या वर्षी ऑस्ट्रेलियात टी-२० विश्वचषकही होणार आहे. हा विश्वचषक ऑक्टोबर-नोव्हेंबरमध्ये होणार आहे. आशिया कप टी-२० फॉरमॅटमध्ये खेळण्याची ही दुसरी वेळ आहे. यापूर्वी ह्या फॉरमॅटमध्ये आशिया कप २०१६ च्या टी-२० विश्वचषकापूर्वी करण्यात आले होते. याशिवाय आशिया कप नेहमीच वन डे फॉरमॅट मध्ये खेळवला गेला आहे.

आशिया कप २०२२ वेळापत्रक

आशिया कपमध्ये सर्वाधिक वेळा चॅम्पियन

आशिया कप पहिल्यांदा १९८४ मध्ये आयोजित करण्यात आला होता. भारताने सर्वाधिक ७ वेळा विजेतेपद पटकावले आहे. तर दुसरा यशस्वी संघ श्रीलंका आहे, जो ५ वेळा चॅम्पियन ठरला होता. त्याचबरोबर पाकिस्तानने दोन वेळा आशिया कपचे विजेतेपद पटकावले आहे. दोन वेगवेगळ्या फॉरमॅटमध्ये (ODI आणि T20) आशिया कप जिंकणारा भारत हा एकमेव संघ आहे.

Sports News in Marathi: Latest Marathi News on Cricket, Football, Tennis, Hockey & more | Maharashtra Times

LEAVE A REPLY

Please enter your comment!
Please enter your name here