अमेरिकेत जॉर्ज फ्लॉएडची पोलिसांनी हत्या केली असल्याचा आरोप करत वर्णद्वेषविरोधी आंदोलन सुरू झाले. त्याविरुद्ध क्रिकेटपटू देखील आवाज उठवत आहेत. वेस्ट इंडिजचा धडाकेबाज सलामीवीर ख्रिस गेलने काही दिवसांपूर्वी क्रिकेटमध्येही वर्णद्वेष केला जातो, असे म्हटले होते.
भारतामध्ये होणाऱ्या आयपीएलमध्येही वर्णद्वेष होतो आणि त्याचा मीदेखील शिकार ठरलो आहे, असे सॅमीने सांगितले होते. सोशल मीडियावर सॅमीच्या स्क्रीनशॉट व्हायरल झाले. यानंतर सॅमी म्हणाला की, आयपीएलमध्ये सनरायझर्सकडून खेळायचे तेव्हा मला आणि परेरा यांना कालू या नावाने हाक मारली जायची. मला पहिला वाटायचे की याचा अर्थ ताकदवान घोडा असेल. पण आता या शब्दाचा अर्थ समजल्यावर मला प्रचंड राग आला आहे.
सनरायझर्स हैदराबादकडून सॅमी आयपीएलमध्ये खेळत होता. त्यावेळी त्याच्याबरोबर या संघात इरफानही होता. सॅमीने ही सांगितलेली गोष्ट २०१४ साली झालेली आहे. यावेळी सॅमीबरोबर इरफानही खेळत होता आणि हे दोघे एकत्र सरावही करत होते. त्यामुळे संघातील सर्व गोष्टी सहकाऱ्यांना माहिती असतात. एखादी गोष्ट घडली की त्याची चर्चा संघात तरी नक्कीच होत असते. त्यामुळेच इरफानने सांगितलेली गोष्ट महत्वाची ठरते.
सनरायझर्स हैदराबाद संघात असताना सॅमी वर्णद्वेषाचा शिकार ठरला होता का, याबाबत इरफानला विचारल्यावर तो म्हणाला की, ” मी आणि सॅमी २०१४ साली एकाच संघात होतो. त्याचवेळी आपल्याबरोबर वर्णद्वेष झाल्याचे सॅमी सांगत आहेत. मीदेखील सॅमीबरोबर या संघात होतो, पण अशी कोणतीच गोष्ट झालेली मला आठवत नाही. आयपीएलमध्ये जर अशी गोष्ट घडली असती तर त्याची जोरदार चर्चा झाली असती, पण त्यावेळी अशी कोणतीच गोष्ट माझ्या कानावर तर आली नव्हती.”
Sports News in Marathi: Latest Marathi News on Cricket, Football, Tennis, Hockey & more | Maharashtra Times
