आयपीएलमध्येही वर्णद्वेष होतो आणि त्याचा मीदेखील शिकार ठरलो आहे, असे सॅमीने सांगितले होते. सोशल मीडियावर सॅमीच्या स्क्रीनशॉट व्हायरल झाले. यानंतर सॅमी म्हणाला होता की, आयपीएलमध्ये सनरायझर्सकडून खेळायचे तेव्हा मला आणि परेरा यांना कालू या नावाने हाक मारली जायची. मला पहिला वाटायचे की याचा अर्थ ताकदवान घोडा असेल. पण आता या शब्दाचा अर्थ समजल्यावर मला प्रचंड राग आला आहे.
आता तर सॅमीने आपल्याला डिवचणाऱ्या प्रत्येक खेळाडूला धारेवर धरले आहे. ज्या खेळाडूने आपल्याला त्यावेळी हिणवले होते. सॅमीने एक व्हिडीओ बनवला आहे. त्यामध्ये सॅमीने आपल्याबरोबर कसा वर्णद्वेष झाला आणि आपल्याला कसे हिणवले गेले, याबाबतची गोष्ट सांगितली आहे. सॅमी फक्त एवढ्यावरच थांबलेला नाही तर त्याने या सर्व खेळाडूंचे मोबाईल क्रमांक मिळवले आहेत आणि त्यांना एक मेसेजली पाठवला आहे. त्याचबरोबर मला जर तुम्ही माझ्या प्रश्चनाचे उत्तर दिले नाहीत तर तुमचे नाव मी सर्वांना सांगेन, अशी धमकीही त्याने दिली आहे. त्यामुळे आता भारतीय क्रिकेटपटूंची डोकेदुखी चांगलीच वाढलेली पाहायला मिळत आहे.
याबद्दल सॅमी म्हणाला की, ” मला जेव्हा आयपीएलमध्ये एका ठराविक नावाने बोलवले जायचे, तेव्हा मला त्या शब्दाचा अर्थ माहिती नव्हता. त्यावेळी एक घट्ट नातं, असा मला या शब्दाचा अर्थ वाटत होता. पण आता मला त्या शब्दाचा खरा अर्थ कळला आहे. त्यामुळे ज्यांनी ज्यांनी माझ्याबद्दल तो शब्द वापरला त्यांना मी जाब विचारला आहे. त्या प्रत्येक खेळाडूला मी मेसेज केला आहे आणि माझ्याबाबतीत तुम्ही असे का केले, असे त्यांना विचारले आहे.”
Sports News in Marathi: Latest Marathi News on Cricket, Football, Tennis, Hockey & more | Maharashtra Times
