आग लागल्यावर हा खेळाडू ती विझवण्यासाठी धावला. आग विझवण्यासाठी त्याने शर्थीचे प्रयत्न केले. पण ही आग विझवताना भारताच्या खेळाडूचे दुर्देवी निधन झाल्याचे पाहायला मिळाले.
आसाममध्ये ऑल इंडिया लिमिटेड या कंपनीच्या तेलाच्या विहीराला आग लागली होती. ही आग एवढी भयंकर होती की, त्याबाजूला सर्व परीसरही होरपळून निघाला. यावेळी अग्नीशमन दलाला पाचारण करण्यात आले होते. या दलामध्ये भारताचा एक खेळाडूही होता. ही आग विझवण्यासाठी त्याने आटोकाट प्रयत्न केले. पण आग विझवण्याच्या प्रयत्नांमध्ये त्याची प्राणज्योत मालवली.
मंगळवारी या तेलाच्या विहिरीला मोठी आग लागली होती. त्यामुळे आगीवर नियंत्रण मिळवण्यासाठी आणि आर्थिक हानी कमी करण्यासाठी अग्नीशमन दलाला बोलावले होते. या दलामध्ये आसामचा माजी फुटबॉलपटू दुर्लोव गोगोई होता. आग विझवण्यासाठी तो पुढे सरसावला होता. पण ही आग एवढी भयंकर होती की, त्याला आपला जीव गमवावा लागला.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
