वाचा-
गुरुवारपासून माझी तब्येत बिघडली आहे. करोना चाचणी केल्यानंतर ती पॉझिटिव्ह आली. यातून बाहेर पडण्यासाठी तुमच्या प्रार्थनेची गरज आहे, असे ट्टीट आफ्रिदीने केले आहे.
वाचा-
क्रीडा क्षेत्रात आणि क्रिकेटमधील काही खेळाडूंना याआधी करोनाची लागण झाली होती. पण एखाद्या प्रसिद्ध क्रिकेटपटूला करोना व्हायरसची लागण होण्याची ही पहिलीच घटना आहे. आफ्रिदीने पाकिस्तानकडून १९९८ ते २०१८ या काळात २७ कसोटी, ३९८ वनडे आणि ९९ टी-२० सामने खेळले आहेत.
वाचा-
आफ्रिदी गेल्या काही दिवसांपासून भारत, पंतप्रधान नरेंद्र मोदी यांच्यावर टीका करत आहे. त्याने काश्मीर संदर्भात देखील भारतावर टीका केली होती. आफिदीच्या या बेताल वक्तव्यावर भारतीय क्रिकेटपटूंनी त्याचा समचार घेतला होता.
आफ्रिदी गेल्या काही दिवसांपासून पाकिस्तानमधील करोनाग्रस्त लोकांना तसेच अन्य नागरिकांना मदत करत आहे. त्याने सोशल मीडियावरून मदत कार्यचे फोटो शेअर केले होते. पण ही मदत करत असताना त्याने अनेक वेळा भारताचे पंतप्रधान नरेंद्र मोदी आणि काश्मीर संदर्भात बेताल वक्तव्य केले होते.
पाहा-
पाकिस्तानमध्ये करोना रुग्णांची संख्या वाढत असून यामुळे आतापर्यंत २ हजार ५०० हून अधिक लोकांचा मृत्यू झाला आहे. आधीच दिवाळखोरीच्या उंबरठ्यावर उभ्या असलेल्या पाकिस्तानची आर्थिक परिस्थिती आणखी बिघडली असून जगातील विविध आर्थिक संस्थांकडून पुन्हा कर्ज घेण्याची वेळ त्यांच्यावर आली आहे.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
