virat kohli, विराटला बाप्पा पावला… कोहली-सूर्याच्या अर्धशतकांच्या जोरावर भारताने उभारला धावांचा डोंगर – virat kohli smash half centry and team india given 193 runs target to hong kong in asia cup 2022

भारताची या सामन्यात प्रथम फलंदाजी पाहायला मिळाली. रोहित शर्मा यावेळी झोकात सुरुवात ेकली खरी, पण त्याची ही खेळी जास्त काळ टिकली नाही. रोहितने यावेळी १३ चेंडूंत दोन चौकार आणि एका षटकाराच्या जोरावर २१ धावा केल्या. रोहित बाद झाल्यावर लोकेश राहुल आणि विराट कोहली यांची जोडी जमली. या दोघांनी दुसऱ्या विकेटसाठी ४६ धावांची भागीदारी रचली. राहुल हा आतापर्यंत चांगल्या फॉर्मात नव्हता. यावेळीही त्याला धडाकेबाज फटकेबाजी करता आली नाही. यावेळी त्याने ३६ धावा केल्या खऱ्या, पण त्यासाठी त्याने ३९ चेंडू खर्ची घातले. राहुल बाद झाल्यावर सूर्यकुमार यादव फलंदाजीला आला आणि भारताची धावगती त्याने वाढवल्याचे पाहायला मिळाले. कोहली त्यावेळी अर्धशतकाजवळ आल्यामुळे सावधपणे खेळ करत होता.

कोहली शांतपणे फलंदाजी करत असला तरी सूर्याने मात्र धमाकेदार फटकेबाजी करत भारताचा रनरेट चांगलाच वाढवला. सूर्यकुमारने यावेळी आपल्या फटकेबाजीने सामन्यात चांगले रंग भरले. पण राहुलनंतर कोहलीही थोडी सावध फलंदाजी करत असल्यामुळे थोडा ट्रोल झाला. पण सूर्याने यावेळी चाहत्यांची मने जिंकली. चौथ्या स्थानावर येत सूर्याने गोलंदाजांचा चांगलाच समाचार घेतला. त्याचबरोबर संघाला गरज असताना त्याने धावसंख्येचा गिअर बदलल्याचे पाहायला मिळाले. विराट कोहलीने यावेळी ४०व्या चेंडूवर दुहेरी धाव घेतली आणि आपले अर्धशतक पूर्ण केले. फेब्रुववारीनंतर कोहलीने हे पहिले अर्धशतक झळकावले होते. अर्धशतक झळकावल्यावर मात्र कोहली आक्रमकपणे फलंदाजी करत असल्याचे पाहायला मिळाले. अर्धशतकानंतर कोहलीने षटकार लगावत आपले इरादे स्पष्ट केले होते. सूर्याने अखेरच्या षटकांमध्ये दमदार फटकेबाजी करत सर्वांची मनं जिंकली.