बॉलीवूडमधील एका गाजलेल्या गाण्यावर वॉर्नरने भन्नाट डान्स केल्याचे पाहायला मिळत आहे. या व्हिडीओमध्ये वॉर्नर हा एकटा नाही तर त्याच्याबरोबर त्याच्या दोन्ही मुलींनीही सहभाग घेतलेला आहे. वॉर्नर आणि त्याच्या दोन मुलींनी या व्हिडीओमध्ये भन्नाट डान्स केला आहे. त्यामुळेच हा व्हिडीओ चाहत्यांच्या पसंतीस उतरलेला आहे. या व्हिडीओला लोकांनी चांगला प्रतिसाद दिला असून तो चांगलाच व्हायरल झाल्याचे पाहायला मिळत आहे.
करोनाच्या संकटामुळे सर्वच क्रिकेटपटू सध्या आपल्या घरातच आहेत. पण घरात राहून आपल्या चाहत्यांचे मनोरंजजन करण्याचे काम काही क्रिकेटपटू करत आहेत. या सर्व क्रिकेटपटूंमध्ये वॉर्नर हा अव्वल स्थानी असेल, कारण आतापर्यंत वॉर्नरने बरेच व्हिडीओ केले आहे आणि त्यांना तुफान प्रतिसादही मिळाला आहे.
काही दिवसांपूर्वी वॉर्नरने अक्षय कुमारच्या एका गाण्यावर डान्स केला होता. एका व्हिडीओमध्ये तर वॉर्नर मिस्टर इंडियासारखा गायब झाल्याचे पाहायला मिळाले होते. बाहुबलीच्या वेशातील वॉर्नरचा व्हिडीओ चांगलाच व्हायरल झाला होता. एका व्हिडीओमध्ये तर मक्याचे कणीस खाताना वॉर्नर दात तुटल्याचेही पाहायला मिळाले होते.
भारताच्या खेड्यांमध्ये चांगली गुणवत्ता आहे, हे बऱ्याचदा आपल्याला पाहायला मिळते. असाच एक भारतातील खेड्यामधील एका व्यक्तीचा व्हिडीओ काही दिवसांपूर्वी व्हायरल झाला होता. या व्हिडीओमधील व्यक्ती एका बॉलीवूडच्या गाण्यावर डान्स करत असल्याचे पाहायला मिळाले होते. हा व्हिडीओ वॉर्नरला चांगलाच आवडलेला आहे. त्यामुळे या व्हिडीओवर फक्त वॉर्नरच नाही तर त्याच्या कुटुंबियांनीही प्रतिक्रीया दिली आहे. या नव्या व्हिडीओमध्ये एका बाजूला खेड्यातील व्यक्ती बॉलीवूडच्या गाण्यावर डान्स करत आहे, तर दुसऱ्या बाजूला वॉर्नर आणि त्याचे कुटुंबिय या व्हिडीओला दाद देत असल्याचे पाहायला मिळाले आहे.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
