बॉलीवूडमध्ये शिल्पाने चांगलेच नाव कमावले आहे. आयपीएलमध्ये राजस्थान रॉयल्स या संघाची सहमालकी शिल्पा आणि तिचा पती राज कुंद्रा यांच्याकडे आहे. सध्या करोनाच्या काळात शिल्पाचे काही व्हिडीओ चांगलेच गाजले होते. लोकांनी शिल्पाच्या व्हिडीओवर जोरदार कमेंट्सही केल्या होत्या. आता वॉर्नरने चक्क शिल्पाचीच नक्कल केल्याचे या व्हिडीओमध्ये पाहायला मिळत आहे. वॉर्नरने या व्हिडीओमध्ये नेमके केले आहे तरी काय, हे पाहण्यासाठी चाहते उत्सुक आहेत.
शिल्पाने काही दिवसांपूर्वी एक व्हिडीओ शेअर केला होता. त्यामध्ये शिल्पा ही ऑपेरा गात असल्याचे पाहायला मिळाले होते. वॉर्नरच्या व्हिडीओमध्ये एका बाजूला शिल्पाचा व्हिडीओ सुरु आहे. पण हा व्हिडीओ पाहून कोणालाही हसू आवरता येणार नाही. व्हिडीओच्या दुसऱ्या बाजूला वॉर्नर शिल्पाची नक्कल करत असल्याचे पाहायला मिळाले असून हा व्हिडीओ चांगलाच मनोरंजक झाला आहे. यापूर्वी शिल्पाच्या एका व्हिडीओची नक्कल वॉर्नरची बायको कँडीसने केली आहे.
सध्याच्या घडीला करोना व्हायरसमुळे सर्व क्रिकेट मालिका ठप्प पडलेल्या आहेत. एकही आंतरराष्ट्रीय क्रिकेट मालिका होताना दिसत नाहीत, उलट ज्या मालिका नियोजित होत्या त्याच आता रद्द करण्याची वेळ आली आहे. त्याचबरोबर कोणतेही खेळाडू सध्या सराव करतानाही दिसत नाहीत. पण काही खेळाडू आपेल व्हिडीओ सोशल मीडियावर पोस्ट करून चाहत्यांचे मनोरंजन करत आहेत. यामध्ये अव्वल क्रमांकावर आहे तो म्हणजे डेव्हिड वॉर्नर. कारण आतापर्यंत सर्वाधिक व्हिडीओ वॉर्नरचेच पाहायला मिळाले असून ते चांगलेच व्हायरल झाल्याचेही पाहायला मिळत आहे.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
