गर्लफ्रेंडसोबत बोलल्याचा राग आला विराटला; क्रिकेटपटूचा दावा

नवी दिल्ली: क्रिकेटच्या मैदानावर होणारे प्रसंग तर आपण सर्व जण टीव्हीवर पाहतो. पण अशा अनेक घटना असतात ज्या मैदानाबाहेर घडतात आणि त्याचे पडसाद मैदानावर उमटतात. भारतीय क्रिकेट संघाचा कर्णधार विराट कोहलीबाबतचा असाच एक प्रसंग इंग्लंडच्या क्रिकेटपटूने शेअर केला आहे.

वाचा-
इंग्लंडचा माजी क्रिकेटपटू निक कॉम्पटनने एका चॅट दरम्यान दावा केला की, २०१२च्या भारत दौऱ्यात अशी एक गोष्ट झाली होती जी विराट कोहलीला आवडली नाही. भारत दौऱ्यावर असताना एका संध्याकाळी तो विराटच्या गर्लफ्रेंडला भेटला आणि तिच्याशी बोलला होता. पण कदाचित ही गोष्टी विराटला आवडली नसावी.

मालिका सुरू होण्याआधी मी, केव्हिन पीटरसन आणि युवराज सिंग बाहेर गेलो होतो. तेव्हा विराटच्या एक्स गर्लफ्रेंडला भेटलो. पण या गोष्टीवर विराट नाराज होता. मी जेव्हा जेव्हा फलंदाजी करण्यास येत असे तेव्हा तेव्हा तो मला काहीना काही कमेंट करायचा. त्याचा असा प्रयत्न असायचा की ती त्याची गर्लफ्रेंड आहे. प्रत्यक्षात तिने ती त्याची आधी गर्लफ्रेंड होते, असे म्हटले होते.

वाचा-
या घटनेचा वापर विराट कोहलीविरुद्ध करण्याचे इंग्लंड संघाने ठरवले होते. पण तो डाव आमच्यावरच उलटला. आम्ही स्लेजिंगच्या रुपात त्याचा वापर केला. पण वर्ल्ड क्लास फलंदाज असलेल्या विराटने कमबॅक केले आणि अखेरच्या नागपूर येथे झालेल्या कसोटी सामन्यात शतकी खेळी केली. अॅलेस्टर कुकच्या नेतृत्वाखाली इंग्लंड संघाने चार सामन्यांची मालिका २-१ने जिंकली. तेव्हा भारतीय संघाचा कर्णधार महेंद्र सिंह धोनी होता.

वाचा-
कॉम्पटनने या सर्व घटनेचा उल्लेख केला असला तरी विराटची ती गर्लफ्रेंड कोण होती याचा मात्र खुलासा केला नाही. विराटने अनुष्का शर्मासोबत विवाह केला असून या दोघांचा समावेश बेस्ट कपल्समध्ये केला जातो. विराटने अनेक वेळा त्याच्या यशाचे श्रेय अनुष्काला दिले आहे.

एका काय म्हणाला, कॉम्पटन…