‘एमएस धोनी द अनटॉल्‍ड स्‍टोरी’ या सिनेमात धोनीची मुख्य भूमिका ही सुशांतने केली होती. या सामन्यापूर्वी सुशांत आणि धोनी यांच्या काही भेटीही झाल्या होत्या. या भेटीनंतर धोनी आणि सुशांत यांची चांगली मैत्रीही झाली होती. त्यामुळे सुशांतच्या जाण्यानंतर धोनीची प्रतिक्रीया का पाहायला मिळाली नाही, याचे आश्चर्य चाहत्यांना वाटत आहे.
सुशांतच्या निधनानंतर क्रीडा क्षेत्राला मोठा धक्का बसला. त्यानंतर खेळाडूंनी सुशांतला श्रद्धांजली वाहिली होती. यामध्ये बऱ्याच नामांकित खेळाडूंचा समावेश होता. त्यावेळी धोनीने यावेळी आपली प्रतिक्रीया का दिली नाही, असा प्रश्नही काही जणांना पडलेला असेल.
धोनीचे व्यवस्थापक अरुण पांडे यांनी एबीपी आनंद या वाहिनीमध्ये झालेल्या एका मुलाखतीमध्ये सांगितले की, ” सुशांतच्या निधनावर अजूनही विश्वास बसत नाही. तो फक्त ३४ वर्षांचाच होता. त्यामुळे त्याच्या निधनाची बातमी पचनी पडत नाही. सुशांतच्या मृत्यूचा जोरदार धक्का धोनीला बसलेला आहे. हे वृत्त ऐकून तो खिन्न झाला आहे.”
सुशांतचा मृत्यू हा धोनीसाठी मोठा धक्का असेल. कारण सिनेमा करताना सुशांत हा धोनीबरोबर पंधरा दिवस राहिलेला होता. त्यानंतर या दोघांमध्ये घट्ट मैत्री झाली होती. त्यामुळे सुशांतच्या मृत्यूनंतर धोनी काहीही बोलण्याच्या परिस्थितीत नाही, असे म्हटले जात आहे. धोनी या धक्क्यातून सावरला नसल्याचे समजत असून त्यामुळेच त्याने आपली प्रतिक्रीया कुठेच दिलेली नाही, असे म्हटले जात आहे.
‘एमएस धोनी द अनटॉल्‍ड स्‍टोरी’ हा सिनेमा झाल्यावर सुशांतच्या काही मुलाखती घेण्यात आल्या होत्या. या मुलाखतींमध्ये सुशांतने धोनीबरोबरच्या आपल्या तीन बैठकांचा उल्लेख केला होता. या बैठकांनंतर धोनी आणि सुशांत यांच्यातील नातं चांगलंच फुललं होतं.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
