सध्याच्या घडीला सानिया आणि तिचा मुलगा हे दोघेही भारतामध्येच आहेत. करोना व्हायरसच्या या काळात आंतरराष्ट्रीय विमान सेवा बंद ठेवण्यात आल्या आहेत. त्यामुळे गेल्या पाच महिन्यांमध्ये शोएबने सानिया आणि आपल्या मुलाची भेट घेतलेली नाही. त्यामुळे आधी पत्नी आणि मुलाची भेट घेतल्यानंतरच तो इंग्लंडच्या दौऱ्यासाठी रवाना होणार आहे. पाकिस्तानच्या क्रिकेट संघाने इंग्लंडच्या दौऱ्यावर जाण्याचे निश्चित केले आहे. पण जेव्हा पाकिस्तानचा संघ इंग्लंडमध्ये जाणार आहे तेव्हा मलिक हा त्यावेळी पोहोचणार नाही.
पाकिस्तानचा २९ खेळाडूंचा संघ हा २८ जूनला इंग्लंडच्या दौऱ्यासाठी रवाना होणार आहे. पण शोएब मात्र या संघाबरोबर इंग्लंडला जाणार नाही. शोएब या दौऱ्याच्या पूर्वी पत्नी सानियाला भेटणार आहे आणि पाकिस्तानच्या क्रिकेट मंडळाने त्याला परवानगीही दिली आहे. त्यामुळे आता शोएब २४ जुलैला पाकिस्तानच्या संघाला इंग्लंडमध्ये भेटणार आहे.
पाकिस्तानच्या संघातील तीन खेळाडूंना करोना झाल्याचे काल पाहायला मिळाले होते. त्यामुळे आता पाकिस्तानचा इंग्लंड दौरा अडचणीत येऊ शकतो, असे म्हटले जात आहे. कारण जर तीन खेळाडू करोनाबाधित असतील तर पाकिस्तानच्या संघाला आपल्या देशात प्रवेश द्यावा का, हा प्रश्न इंग्लंडला पडू शकतो. त्यामुळे पाकिस्तानचा इंग्लंडचा दौरा होणार की नाही, यावर प्रश्नचिन्ह आहे.
पाकिस्तानच्या संघात शोएबही होता. आता त्याला भारतामध्ये सानियाला भेटायला यायचे आहे. पण अजूनही त्याच्या करोना चाचणीचा अहवाल आलेला नाही. शोएबची करोना चाचणी घेण्यात आली आहे. पण करोनाच्या चाचणीचा अहवाल आज येऊ शकतो. त्यामुळे जोपर्यंत शोएबच्या करोना चाचणीचा अहवला येत नाही आणि जोपर्यंत शोएब करोना पॉझिटीव्ह नसल्याचे निष्पन्न होत नाही, तोपर्यंत त्याला भारतामध्ये येता येणार नाही.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
