काल पाकिस्तानच्या तीन खेळाडूंना करोना झाल्याचे समोर आले होते. शादाब खान, हारिस रौफ आणि हैदर अली, अशी या करोना झालेल्या तीन क्रिकेटपटूंची नावे होती. पण आज संघातील अन्य सात खेळाडूंना करोना झाल्याचे आता समोर आले आहे. त्यामुळे पाकिस्तान संघातील करोना झालेल्या खेळाडूंची संख्या आता १० एवढी झालेली आहे. पाकिस्तानच्या संघाबरोबर असलेल्या सपोर्ट स्टाफमधील व्यक्ती मासीर मलिंग अली यांची करोना चाचणीही पॉझिटीव्ह आलेली आहे.
आज पाकिस्तानच्या संघाचा करोना चाचणीचा अहवाल आला आहे. या अहवालात पाकिस्तानच्या अजून सात खेळाडूंना करोना झाल्याची धक्कादायक बाब पुढे आली आहे. या सात खेळाडूंमध्ये फखर झमान, इम्रान खान, खाशिफ भट्टी, मोहम्मद हाफिझ, मोहम्मद हसनैन, मोहम्मद रिझवान आणि वहाब रियाझ या खेळाडूंचा समावेश आहे. पाकिस्तानचे तब्बल १० खेळाडू करोना बाधित झाल्यामुळे आता नेमके करायचे काय, हा प्रश्न पाकिस्तानच्या क्रिकेट मंडळापुढे असेल.
इंग्लंड दौऱ्यावर जाण्यापूर्वी मलिक हा भारतामध्ये येऊन सानियाला भेटणार होता. कारण गेल्या पाच महिन्यांमध्ये सानिया आणि शोएब यांची भेट झालेली नाही. त्यामुळे इंग्लंड दौऱ्यापूर्वी शोए़ब सानियाला भेटायला भारतामध्ये येणार होता. भारतामध्ये येण्यासाठी मलिकपुढे एक अट ठेवण्यात आली होती. जर मलिक हा करोना पॉझिटीव्ह नसेल तर त्याला भारतामध्ये येण्याची परवानगी देण्यात येणार होती. पण मलिकचा करोना चाचणीचा अहवाल अजूनही आला नसल्याचे म्हटले जात आहे. पण त्याच्याबरोबर राहणारे १० खेळाडू आता करोनाने बाधित असल्यामुळे मलिकचे भारतात येणे जरा कठीण दिसत आहे. पाकिस्तानचा संघ इंग्लंडमध्ये जाऊन तीन कसोटी आणि तीन ट्वेन्ट-२० सामन्यांची मालिका खेळणार आहे.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
