करोनामुळे क्रिकेटला मोठा धक्का बसला. कारण गेल्या तीन महिन्यांमध्ये एकही क्रिकेटचा सामना खेळवला गेलेला नाही. भारताने करोना व्हायरसमुळे दक्षिण आफ्रिकेवरुद्धची मालिकाही रद्द केली होती. त्यानंतर खेळाडू आपल्या घरात असल्याचे पाहायला मिळत आहे. पण आता भारताच्या एका खेळाडूने सरावाला सुरुवात करत चाहत्यांचे लक्ष आपल्याकडे खेचून घेतले आहे.
सध्याच्या घडीला कोणती स्पर्धा पहिली खेळवली जाणार हे कोणालाही माहिती नाही. पाकिस्तानने आशिया चषक स्पर्धा पहिल्यांदा खेळवण्याचा हट्ट केला आहे. पण आशिया चषक स्पर्धा झाली तर आयपीएल कशी खेळवणार, हा सर्वात मोठा प्रश्न आहे. सर्वात महत्वाची गोष्ट म्हणजे ट्वेन्टी-२० विश्वचषक होणार की नाही, या गोष्टीवर ता आयपीएलचे भवितव्य अवलंबून आहे.
हा खेळाडू उतरला मैदानातसराव करण्यासाठी आज भारताचा नेमका खेळाडू उतरला, याची उत्सुकता तुम्हाला असेल. भारताचा अनुभवी वेगवान गोलंदाज इशांत शर्माने आजपासून सराव करायला सुरुवात केली आहे. इशांतने याबाबत एक पोस्टही सोशल मीडियाव केली आहे. यामध्ये त्याने म्हटले आहे की, ” सकारात्मक गोष्टी करायला मला आवडतात. त्यामुळे सोशल डिस्टेंसिंगचे पालन करून मी सराव करायला सुरुवात केली आहे.”
पाकिस्तानचा क्रिकेटपटू करोना पॉझिटीव्हचा निगेटीव्ह झाला…इंग्लंडच्या दौऱ्यावर जाण्यासाठी पाकिस्तानचा संघ सज्ज झाला होता. काल संघातील सर्व खेळाडूंचा अहवाल आला. त्यावेळी पाकिस्तानच्या सात खेळाडूंना करोना झाल्याचे पाहायला मिळाले होते. त्यामुळे पाकिस्तानच्या संघात भितीचे वातावरण होते. पण या संघातील अनुभवी खेळाडूने आज करोनाची चाचणी केली आणि त्याचा अहवाल निगेटीव्ह आल्याचे पाहायला मिळाले आहे. त्यामुळे आता पाकिस्तान क्रिकेट मंडळाच्या करोना चाचणी अहवालावर प्रश्न चिन्ह उपस्थित केले जात आहे.
हा खेळाडू आहे तरी कोण…
काल करोना झालेला आणि आज करोना निगेटीव्ह झालेला खेळाडू आहे तरी कोण, हे जाणून घेण्याची तुम्हाला उत्सुकता असेल. तर हा पाकिस्तानचा अनुभवी खेळाडू आहे मोहम्मद हफिझ. काल पाकिस्तान संघाचा अहवाल आल्यावर त्याला करोना झाल्याचे पाहायला मिळाले होते. पण आज या खेळाडूने कुटुंबियांबरोबर करोनाची चाचणी केली आणि त्याचा अहवाल निगेटीव्ह आला आहे. त्यामुळे आता कोणता अहवाल खरा आणि कोणता खोटा, याबाबत चर्चा सुरु झाली आहे.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
