सर्वाधिक चेंडू खेळलेले टॉप ५ फलंदाज; हा भारतीय अव्वल स्थानी!

नवी दिल्ली: कसोटी क्रिकेटमध्ये एखादा फलंदाज मैदानावर कितीवेळ फलंदाजी करतो याला फार महत्त्व असते. कसोटी ही कोणत्याही खेळाडूच्या संयमाची परीक्षा घेणारी असते. त्यामुळेच फलंदाज किती वेळ क्रीझवर टिकतो, गोलंदाजांच्या सर्व प्रकारच्या माऱ्याला धैऱ्य आणि कौशल्याने मात देतो हे पहिले जाते. म्हणून असे म्हटले जाते की कसोटीत चेंडू जर बाहेर जात असेल तर तो सोडण्याचा संयम हवा आणि चेंडू आत येणार असेल तर तो थांबवण्याचे कौशल्य हवे. एखाद्या फलंदाजाने क्रीझवर किती चेंडूंचा सामना केला यावर कसोटी क्रिकेटमधील त्याची क्षमता ओळखली जाते.

वाचा-
क्रिकेटमधील कसोटी हा प्रकार फलंदाजाच्या संयमाची परीक्षा घेत असतो. क्रिझवर अधिक वेळ थांबून गोलंदाज थकल्यानंतर धावा करण्याची परंपरा आहे. म्हणूनच फलंदाजाची खऱ्या अर्थाने या प्रकारात कसोटी लागते. जाणून घेऊयात कसोटीमध्ये सर्वाधिक चेंडूंचा समाना करणारे फलंदाज…

अ‍ॅलन बॉर्डर: कसोटी क्रिकेटमध्ये सर्वाधिक चेंडू खेळणाऱ्या फलंदाजांच्या यादीत पाचव्या क्रमांकावर आहेत ऑस्ट्रेलियाचे माजी कर्णधार अ‍ॅलन बॉर्डर. डाव्या हाताने खेळणाऱ्या या फलंदाजाने १५६ कसोटी सामन्यात २७ हजार ००२ चेंडूंचा सामना केला. बॉर्डर यांच्या नेतृत्वाखाली ऑस्ट्रेलियाचा संघाचा जगातील सर्वात धोकादायक संघ असा प्रवास सुरू झाला. बॉर्डरच्या नेतृत्वााखाली ऑस्ट्रेलियाने १९९५ साली वेस्ट इंडिजमध्ये कसोटी मालिका जिंकली. त्यानंतर ऑस्ट्रेलियाचे शानदार अशी कामगिरी सुरू ठेवली. बॉर्डर यांनी कसोटीत ५०.६ च्या सरासरीने ११ हजार १७४ धावा केल्या. त्यात २७ शतक आणि ६३ अर्धशतक केले. ऑस्ट्रेलियाने बॉर्डरच्या नेतृत्वाखाली इंग्लंडचा पराभव करत १९८७ मध्ये पहिला वर्ल्ड कप जिंकला होता.

वाचा-

शिवनारायण चंद्रपॉल: अन्य फलंदाजांपेक्षा वेस्ट इंडिजच्या चंद्रपॉलची फलंदाजीची स्ट्राइल वेगळी होती. वेस्ट इंडिजच्या या माजी फलंदाजाने १६४ कसोटी सामन्यात देशाचे प्रतिनिधित्व केले. यात ५१.३७च्या सरासरीने ११ हजार ८६७ धावा केल्या. चंद्रपॉलने कसोटी करिअरमध्ये २७ हजार ३९५ चेंडूंचा सामना केला. यात ३० शतक आणि ६६ अर्धशतकांचा समावेश आहे.

जॅक कॅलिस: दक्षिण आफ्रिकेच्या या अष्ठपैलू फलंदाजाने १६६ कसोटी सामन्यात १३ हजार २८९ धावा केल्या. कॅलिसने करिअरमध्ये २८ हजार ९०३ चेंडूंचा सामना केला. या यादीत तो तिसऱ्या क्रमांकावर आहे. कॅलिसने ५५.३७ च्या सरासरीने धावा केल्या यात ४५ शतक आणि ५८ अर्धशतकांचा समावेश आहे.

वाचा-

सचिन तेंडुलकर: जगातील सर्वात महान फलंदाज असलेल्या सचिन तेंडुलकरने विक्रमी २०० कसोटी सामने खेळले आहेत. त्याने कसोटीत १५ हजार ९२१ धावा केल्या असून त्यासाठी सचिनने २९ हजार ४३७ चेंडूंचा सामना केला. सर्वाधिक चेंडूंना सामोरे जाणाऱ्या यादीत सचिन दुसऱ्या स्थानावर आहे. सचिनने कसोटीत ५१ शतक आणि ६८ अर्धशतक केली आहेत. त्याची सरासरी ५३.७९ इतकी होती.

वाचा-

राहुल द्रविड: ‘द वॉल’ या नावाने प्रसिद्ध असलेल्या राहुल द्रविडने कसोटी क्रिकेटमध्ये सर्वाधिक चेंडूंचा सामना केला आहे. जागतिक क्रिकेटमध्ये राहुल हा एकमेव फलंदाज आहे ज्याने ३० हजारहून अधिक चेंडूंचा सामना केला. सर्वोत्तम तंत्र आणि कमालीचे धैर्य असलेल्या राहुलने १६४ कसोटीत ३१ हजार २५८ चेंडू खेळले. त्याने ५२.३१च्या सरासरीने १३ हजार २८८ धावा केल्या. यात ३६ शतक आणि ६३ अर्धशतकांचा समावेश आहे.