महाराष्ट्रात सोशल मीडियावर धोनी ट्रेडिंग; जाणून घ्या कारण!

मुंबई: भारतीय संघाचा माजी कर्णधार महेंद्र सिह अचानक बुधवारी सोशल मीडियावर ट्रेडिंगमध्ये आला. खर तर धोनी संदर्भात तशी कोणतीही नवी बातमी सध्या आलेली नाही. असे असताना देखील तो ट्रेडिंगमध्ये आला आहे. जाणून घेऊयात काय आहे कारण….

वाचा-
गेल्या काही काळापासून धोनी क्रिकेटच्या मैदानापासून दूर आहे. असे असेल तरी तो अनेक वेळा चर्चेत आला आहे. यातील अधिकवेळा चर्चेत येण्याचे कारण धोनीच्या निवृत्तीसंदर्भातील वृत्त होते. धोनीने भारतीय संघाकडून गेल्या वर्षी वर्ल्ड कपमध्ये अखेरचा समाना खेळला होता. त्यानंतर तो मैदानावर दिसला नाही. या वर्षी मार्चमध्ये होणाऱ्या आयपीएलमधून तो पुन्हा मैदानावर परतणार होता. पण करोनामुळे आयपीएल स्थगित करण्यात आली.

वाचा-
आता धोनी अचानक ट्रेडिंगमध्ये येण्याचे कारण म्हणजे या महिन्यात सात तारखेला त्याचा वाढदिवस आहे. धोनीच्या चाहत्यांनी त्याला आताच शुभेच्छा देण्यास सुरूवात केली आहे.

वाचा-

सोशल मीडियावर धोनीच्या चाहत्यांनी त्याला सात दिवस आधीपासून शुभेच्छा देण्यास सुरूवात केली आहे. अनेकांनी धोनीचे फोटो, व्हिडिओ आदी गोष्टी शेअर केल्या आहेत.

वाचा-

धोनीने भारताकडून ९० कसोटी, ३५० वनडे आणि ९८ टी-२० सामने खेळले आहे. त्याने कसोटीत ४ हजार ८७६, वनडेत १० हजार ७७३ आणि टी-२०त १ हजार ६१७ धावा केल्या आहेत. कर्णधार म्हणून धोनीने २०० सामन्यात संघाचे नेतृत्व केले. यातील ११० सामन्यात विजय आणि ७४ मध्ये पराभव झाला. धोनी भारताकडून सर्वाधिक सामन्यात कर्णधार म्हणून जबाबदारी पार पाडणारा खेळाडू आहे.

बांगलादेशविरुद्ध २००४ मध्ये वनडेत पदार्पण करणाऱ्या धोनीने न्यूझीलंडविरुद्ध अखेरची वनडे खेळली होती. या सामन्यात त्याने ५० धावांची खेळी केली होती. पण भारताचा १८ धावांनी पराभव झाला आणि भारताचे वर्ल्ड कप विजयाचे स्वप्न भंगले. धोनीने २०१४ मध्ये ऑस्ट्रेलियाविरुद्धच्या मालिकेनंतर कसोटी क्रिकेटमधून निवृत्ती घेतली होती.

हे देखील वाचा-