धोनीचा आज ३९वा वाढदिवस आहे. या निमित्ताने क्रिकेट आणि अन्य क्षेत्रातील खेळाडू त्याला शुभेच्छा देत आहेत. भारतीय संघाकडून खेळताना धोनीने अनेक अविस्मरणीय क्षण दिले आहेत. गेल्या वर्षभरापासून धोनी मैदानात दिसला नसला तरी आजही चाहत्यांसाठी तो फेव्हरिट आहे. त्याचबरोबर ज्या खेळाडूंबरोबर धोनी खेळला आहे, त्यांनाही धोनीबद्दल आपुलकीची भावना आहे. त्यामुळेच धोनीच्या वाढदिवशी त्याच्याबरोबर खेळणाऱ्या खेळाडूंनीही त्याला खास शुभेच्छा दिल्या आहेत.
धोनीने कसोटी मालिकेतून निवृत्ती घेत सर्वांनाच मोठा धक्का दिला होता. मेलबर्नच्या मैदानावर बॉर्डर-गावस्कर ट्रॉफीचा तिसरा सामना ३० डिसेंबर २०१४ या दिवशी संपला. या सामन्यात धोनीने ११ आणि नाबाद २४ धावा केल्या होत्या. हा सामना जेव्हा संपला तेव्हा धोनी खूष दिसत होता. सर्व खेळाडूंबरोबर त्याने हस्तांदोलन केले आणि त्यानंतर तो पेव्हेलियनमध्ये गेला होता.
धोनीच्या निवृत्तीबाबत हा खेळाडू म्हणाला की, ” सामना संपल्यावर धोनी ड्रेसिंग रुममध्ये आला आणि त्याने सर्व खेळाडूंना एकत्र यायची विनंती केली. त्यावेळी सर्व खेळाडू धोनीच्या भोवती जमले होते. त्यावेळी आपण कसोटी क्रिकेटमधून निवृत्ती घेत आहोत, असे धोनीने सांगितले आणि सर्वांनाच मोठा धक्का बसला. कारण या गोष्टीचा त्यावेळी कोणीही विचार करू शकत नव्हतं. त्यामुळेच सर्वांनाच धोनीच्या या निर्णयाचा मोठा धक्का बसला होता.”
धोनीने कोणाला दिली आपली जर्सी…जेव्हा धोनीने निवृत्ती घेतली त्यापूर्वी धोनीने आपली जर्सी भारतीय संघातील डावखुरा फलंदाज सुरेश रैनाला दिली होती. याबाबत रैना म्हणाला की, ” सकाळी धोनी माझ्याकडे आला आणि त्याने मला एक जर्सी भेट दिली. त्यावेळी मला त्याचा अर्थ समजला नव्हता. त्यानंतर धोनी न्याहारी करायला गेला. शांतपणे, कोणाशीही न बोलता धोनी न्याहारी करत होता. त्यावेळीच मला वाटलं होतं की, आज संध्याकाळी काही तरी नक्कीच घडणार आहे.”
Sports News in Marathi: Latest Marathi News on Cricket, Football, Tennis, Hockey & more | Maharashtra Times
