आफ्रिदी आता सचिनवर घसरला; केले वादग्रस्त वक्तव्य!

इस्लामाबाद: पाकिस्तानचा माजी क्रिकेटपटू करोना व्हायरसपासून बरा झाला असला तरी त्याच्या डोक्यावर परिणाम झाला असे वाटत आहे. काही महिन्यांपासून भारतीय क्रिकेट खेळाडू, काश्मीर आणि पंतप्रधान मोदी यांच्यावर बेताल आणि आधारहीन वक्तव्य करणारा आफ्रिदी आता जागतिक क्रिकेटमधील सर्वात यशस्वी फलंदाजावर घसरला आहे.

वाचा-
आफ्रिदीने काही दिवसांपूर्वी पाकिस्तान संघाकडून भारताचा नेहमी पराभव झाला आणि प्रत्येक पराभवानंतर भारतीय खेळाडू माझ्याकडे येऊन माफी मागतात, असे वक्तव्य केले होते. आफ्रिदीचे ते वक्तव्य चुकीचे असल्याचे सिद्ध करणारी
दिली होती. आता आफ्रिदीने मास्टर ब्लास्टर बद्दल वादग्रस्त वक्तव्य केले आहे.

वाचा-

नऊ वर्षांपूर्वी आफ्रिदीने असे वक्तव्य केले होते की, महान फलंदाज सचिन तेंडुलकरल पाकिस्तानचा जलद गोलंदाज शोएब अख्तरच्या गोलंदाजीला सामोरे जाण्यास घाबरतो. आता आफ्रिदीने पुन्हा एकदा हीच गोष्ट बोलली आहे. यावेळी तो म्हणाला, सचिन ही गोष्ट कधीच मान्य करणार नाही. पण तो अख्तरला घाबरत होता. विशेष म्हणजे ज्याच्याबद्दल आफ्रिदी बोलत आहे. त्या शोएब अख्तरने कधीच असे वक्तव्य केले नाही. पण फक्त प्रसिद्धी मिळवण्यासाठी आफ्रिदीचे वक्तव्य सुरू आहे.

आफ्रिदीने त्याच्या पुस्तकात म्हटले आहे की, सचिन हा शोएबला घाबरत होता. मी स्वत: पाहिले आहे. सामना सुरू असताना मी स्वेअर लेगला उभा होतो. अख्तर गोलंदाजी करण्यास आला की सचिनचे हात पाय थरथरत असत. जैनब अब्बाससोबत यूट्यूब चॅनलवर बोलताना तो म्हणाला, सचिन स्वत: ही गोष्ट मान्य करणार नाही की मी घाबरत होतो. शोएबच्या काही स्पेल अशा असायच्या की सचिन नाही तर जगातील सर्वच फलंदाज घाबरत.

वाचा-
जेव्हा तुम्ही मिड ऑफ किंवा कव्हर्सवर फिल्डिंगला उभे असता तेव्हा खेळाडूची बॉडी लॅग्वेजवरून याची कल्पना येते. तुम्हाला सहज लक्षात येते की फलंदाज दबावात आहे. शोएबने सचिनला घाबरवले नाही. पण त्याची गोलंदाजी अशी होती की जगातील सर्व सर्वोच्च फलंदाज सचिनसह सर्व जण बॅकफुटवर गेले.

आफ्रिदी इतक्यावर थांबला नाही. तर त्याने सचिन सईद अजमलच्या गोलंदाजीला घाबरत होता, असे हस्यासपद वक्तव्य केले आहे.

बघा सेहवाग काय म्हणाला होता…