भारतीय क्रिकेटमधील महान फलंदाज यांचा आज ७१वा वाढदिवस आहे. या निमित्ताने या दिग्गज खेळाडूने गेल्या वर्षा प्रमाणे यावर्षीही असेलल्या ३५ गरीब मुलांच्या ऑपरेशनचा खर्च केला आहे. नवी मुंबईतील खारघर येथील लहान मुलांच्या हृदयविकारावर उपचार करणाऱ्या श्री सत्य साई संजीवनी रुग्णालयात शुक्रवारी स्वत: गावसकर यांनी भेट दिली आणि संबंधित ऑपरेशनचा खर्च दिला.
वाचा-
ज्या पालकांना मुलांच्या हृदयविकारच्या ऑपरेशनचा खर्च करणे शक्य नाही अशा ३५ मुलांचा खर्च गावसकर करत आहेत. गावसकर यांनी भारताकडून खेळताना कसोटी ३५ शतक केली होती. तेव्हा त्यांनी ऑस्ट्रेलियाचे महान फलंदाज सर डॉन ब्रॅडमन यांच्या सर्वाधिक शतकांचा विक्रम मागे टाकला होता. त्यानंतर भारताच्या सचिन तेंडुलकरने अनेक वर्षानंतर गावसकर यांचा विक्रम मोडला.
आपल्याकडे अनेक असे कार्यक्षेत्र आहेत ज्याकडे कोणीतही लक्ष देण्याची गरज आहे. मुलांची काळजी घेणे हे अत्यंत महत्त्वाचे आहे. कुटुंबातील आनंद असतात लहन मुले. ही मुलेच घरातील भविष्य असतात, असे गावसकर यांनी टाइम्स ऑफ इंडियाशी बोलताना सांगितले.
वाचा-
अशा प्रकारची मदत करण्याची कल्पना कशी आली याबद्दल बोलताना गावसकर म्हणाले, भारतासारख्या देशात जन्मजात हृदयविकाराचा दोष असणे ही एक सामान्य गोष्ट आहे. पण असा दोष असलेल्यांपैकी बऱ्याच जणांना जगण्याची आणि सन्मानाने आयुष्यात पुढे जाण्याची संधीच मिळत नाही. याचे सर्वात महत्त्वाचे कारण म्हणजे ते गरीब असतात आणि देशात यासंदर्भात सुविधा कमी आहेत. यासाठीच मी हार्ट टू हार्ट फाउंडेशनच्या माध्यमातून या मुलांना नवे आयुष्य देण्यासाठी काम करतो. श्री सत्य साई संजीवनी रुग्णालय नाय रायपूर, पलवळ(हरियाणा) आणि खारघर (नवी मुंबई) येथे मोफत मुलांवर उपचार करते. ओनली दिल, नो बिल!’ असे त्यांचे ब्रीद वाक्य आहे.
वाचा-
गावसकर यांनी भारताकडून १२५ कसोटी आणि १०८ वनडे खेळल्या. कसोटीत त्यांनी १० हजार ११२ तर वनडेत ३ हजार ९२ धावा केल्या. कसोटी त्यांनी ३४ शतक आणि ४५ अर्धशतक केली.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
