सध्याच्या घडीला करोना व्हायरसमुळे देशभरात चिंतेचे वातावरण आहे. काही ठिकाणी आता परिस्थिती पूर्वपदावर येत असल्याचे पाहायला मिळत आहे. त्याचबरोबर काही ठिकाणी अजूनही लॉकडाऊन ठेवण्यात आले आहे. काही ठिकाणी पुन्हा लॉकडाऊन सुरु करण्यात येण्याची चर्चाही आहे. त्यामुळे सध्याची परिस्थिती ही गोंधळून टाकणारी आहे.
करोनाच्या काळात क्रिकेटपटू आपल्या घरीच बसलेले आहेत. मैदानात सराव करताना आपण भारताच्या संघाला अजूनपर्यंत पाहिलेले नाही. पण घरी बसून आपल्या चाहत्यांसाठी काही ना काही क्रिकेटपटू करत असल्याचे पाहायला मिळत आहे. कारण सध्याच्या घडीला भुवनेश्वर हा आपल्या चाहत्यांबरोबर ऑनलाईन संवाद साधत असल्याचे पाहायला मिळत आहे. या ऑनलाईन संवादामध्ये चाहत्यांशी जवळीक साधण्याचा भुवनेश्वरचा प्रयत्न आहे.
भुवनेश्वर चाहत्यांबरोबर ऑनलाईन असल्याचे पाहायला मिळाले आहेत. यामध्ये चाहते भुवनेश्वरला एखादा प्रश्न विचारतात आणि तो त्यांना उत्तर देत असल्याचे पाहायला मिळते. एका चाहत्याने भुवनेश्वरला त्याच्या पहिल्या कमाईबद्दलचा प्रश्न विचारला होता. चाहत्याने विचारले होते की, तुझ्या पहिल्या कमाईचा धनादेश किती रुपयांचा होता आणि तू त्या पैशांचे काय केलेस?
भुवनेश्वरच्या पहिल्या कमाईची रक्कम बघाल तर तुम्हालाही धक्का बसेल. आता भुवनेश्वर हा कोट्यावधींमध्ये खेळत आहे. भारतीय संघ, आयपीएल, जाहिराती यांच्यांमधून सर्वांचा लाडका भुवी हा करोडो रुपये कमावत आहे. पण आपल्या पहिल्या कमाईबद्दल तो म्हणाला की, ” मला पहिल्या कमाईचा धनादेश हा तीन हजार रुपयांचा मिळाला होता. यापैकी काही पैशांची मी खरेदी केली होती आणि काही पैसे हे बचत म्हणून वाचवून ठेवले होते.”
Sports News in Marathi: Latest Marathi News on Cricket, Football, Tennis, Hockey & more | Maharashtra Times
