एकीकडे टी-२० विश्वचषक स्पर्धेसाठी सर्व संघांची तयारी जोरात सुरू आहे, तर दुसरीकडे दक्षिण आफ्रिकेसारख्या संघाबाबत अशा बातम्या येत आहेत, ज्यामुळे सर्वांनाच धक्का बसू शकतो. पुढच्या वर्षी एकदिवसीय विश्वचषक खेळवला जाणार आहे, त्या दरम्यान एक मजबूत संघ मानल्या जाणाऱ्या दक्षिण आफ्रिकेबद्दल असे बोलले जात आहे की, या संघाला होणाऱ्या वनडे विश्वचषक स्पर्धेत स्थान मिळू शकत नाही.
पुढील वर्षी होणार्‍या एकदिवसीय विश्वचषक स्पर्धेच्या संपूर्ण समीकरणाबद्दल बोलायचे झाल्यास, दक्षिण आफ्रिका सध्या सुपर लीगच्या गुणतालिकेत ११व्या स्थानावर आहे, तर अव्वल आठ संघच वनडे विश्वचषकासाठी पात्र ठरतील. अशा स्थितीत दक्षिण आफ्रिकेसाठी एवढी लांब उडी घेणे जवळपास कठीण मानले जात आहे. अलीकडेच दक्षिण आफ्रिकेला भारताकडून तीन एकदिवसीय सामन्यांच्या मालिकेत पराभवाला सामोरे जावे लागले होते. त्याच वेळी, टीम इंडियासाठी ही एक आनंदाची बातमी आहे की ते या पॉइंट टेबलमध्ये अव्वल आहे. तर झिम्बाब्वे १२व्या आणि नेदरलँड १३व्या स्थानावर आहे, जे दक्षिण आफ्रिकेच्याही मागे आहेत.
भारतीय संघ १८ पैकी १३ सामने जिंकून १२९ गुणांसह अव्वल स्थानावर आहे, तर इंग्लंड १२५ गुणांसह दुसऱ्या आणि ऑस्ट्रेलिया १२० गुणांसह तिसऱ्या स्थानावर आहे. आयसीसी एकदिवसीय विश्वचषक २०२३ भारतात होणार आहे, अशा परिस्थितीत भारत थेट या विश्वचषकासाठी पात्र ठरेल. टीम इंडियाला पात्र होण्यासाठी या सुपर लीगच्या गुणतालिकेत पहिल्या ८ संघांमध्ये राहण्याची गरज नाही. पण भारतीय संघ अव्वल स्थानावर असल्यामुळे आणि ते यजमान असल्यामुळे ते वनडे विश्वचषकात खेळणार ही गोष्ट स्पष्ट आहे. पण आता दक्षिण आफ्रिकेचा संघ ११व्या स्थानावर आहे. गेल्या काही दिवसांमध्ये वनडे मालिकांची संख्याही कमी झाली आहे. त्यामुळे या विश्वचषकासाठी ते पात्र ठरतील, ही शक्यता फारच कमी आहे.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
