वाचा-
संपूर्ण पंड्या कुटुंबीय घरातील नव्या पाहूण्याच्या स्वागताची तयारी करत आहे. हार्दिकच्या पत्नीने इस्टाग्रामवर एक फोटो शेअर केला आहे. नताशाने बेबी बंपसह एक फोटो शेअर केला असून त्यात तिने हार्दिकला टॅग केलय. नताशाने हा फोटो शेअर करताना म्हटले आहे की, Happiness is on the way.
हार्दिकने या वर्षाच्या पहिल्या दिवशी नताशा सोबत साखरपुडा केल्याचे जाहीर केले होते. त्यानंतर लॉकडाउनच्या काळात ते एकत्रच होते. लॉकडाउनमध्ये या दोघांनी घरात विवाह केला.
वाचा-
हार्दिक केल्या अनेक महिन्यांपासून क्रिकेटपासून दूर आहे. गेल्या वर्षी इंग्लंड मध्ये झालेल्या वर्ल्ड कपनंतर त्यांनी कोणताही वनडे सामना खेळला नाही. त्याने अखेरचा टी-२० सामना सप्टेंबरमध्ये खेळला होता. त्यानंतर दुखापतीमुळे त्याच्यावर शस्त्रक्रिया करण्यात आली. मार्च महिन्यात आफ्रिकेविरुद्धच्या वनडे संघात त्याला संधी मिळणार होती पण करोनामुळे ही मालिका रद्द झाली.
हे देखील वाचा-
सर्बियामध्ये जन्मलेल्या नताशाने वयाच्या तिसऱ्या वर्षी नृत्य शिकायला सुरुवात केली होती. १७ व्या वर्षी तिनं मॉडर्न स्कूल ऑफ बॅलेमध्ये प्रवेश घेतला. २०१०मध्ये मिस स्पोर्ट्स सर्बियाचा पुरस्कार जिंकल्यानंतर अभिनय आणि नृत्य यात करिअर करण्याचा निर्णय घेतला. हेच स्वप्न पूर्ण करण्यासाठी तिने २०१२मध्ये बॉलिवूडमध्ये पाऊल ठेवले. बिग बॉसच्या आठव्या पर्वातून तिला खरी ओळख मिळाली. लॉकडाऊनच्या काळात हार्दिक आणि नताशा एकत्रच होते. गेल्या महिन्यात हार्दिकने त्याचे फोटो आणि व्हिडिओ सोशल मीडियावर पोस्ट केले होते. त्यानंतर हार्दिकने दोन गोड बातम्या एकदमच दिल्या होत्या.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
