आंतरराष्ट्रीय (International Cricket) कसोटी क्रिकेटमध्ये एका डावात सर्वाधिक धावा करण्याचा विक्रम श्रीलंकेच्या नावावर आहे. लंकेने भारताविरुद्ध १९९७ साली एका डावात ६ बाद ९५२ धावा केल्या होत्या. प्रथम श्रेणी सामन्याचा विचार केल्यास एका संघाने अशी कामगिरी केली आहे ज्याचा विचार करणे अशक्य आहे.
वाचा-
१९२३ साली संघाने तस्मानिया संघाविरुद्ध झालेल्या सामन्यातील दुसऱ्या डावात १ हजार ५९ धावांचा डोंगर उभा केला. मेलबर्न मैदानावर झालेल्या या सामन्यात तस्मानियाने पहिल्या डावात फक्त २१७ धावा केल्या होत्या. उत्तरादाखल व्हिक्टोरिया संघाने १ हजार ५९ धावा केल्या. व्हिक्टोरिया संघाकडून बिल पोंसफोर्डने ४२९ धावा केल्या. हा सामना व्हिक्टोरिया संघाने ६६६ धावांनी जिंकला.
वाचा-
त्यानंतर व्हिक्टोरिया संघाने १९२६ साली पुन्हा एकदा अशी कामगिरी केली. त्यांनी न्यू साउथ वेल्स विरुद्ध २४ ते २९ डिसेंबर १९२६ रोजी मेलबर्न येथे झालेल्या सामन्यात १ हजार १०७ धावा केल्या. या सामन्यात बिल पोंसफोर्ड यांनी ३५२, जॅक राइडर २९५ धावा केल्या. व्हिक्टोरिया संघातील पहिल्या चार फलंदाजांनी ३ अंकी धावसंख्या केली होती. या सामन्यात व्हिक्टोरिया संघाने १ डाव आणि ६५६ धावांनी विजय मिळवला.
वाचा-
व्हिक्टोरिया संघाच्या नावावर हा विक्रम गेली ९७ वर्ष कायम आहे. प्रथम श्रेणी किंवा आंतरराष्ट्रीय स्तरावर हा विक्रम अद्याप कोणाला मोडता आला नाही. तर दुसरा विक्रम गेली ९४ वर्ष त्यांच्या नावावर आहे.
वाचा-
Sports News in Marathi: Latest Marathi News on Cricket, Football, Tennis, Hockey & more | Maharashtra Times
