वाचा-
अफगाणिस्तानचा दिग्गज फिरकीपटू याने आझादी रेडिओला दिलेल्या मुलाखतीत एक मोठी घोषणा केली आहे. जोपर्यंत अफगाणिस्तानचा संघ जिंकत नाही तोपर्यंत मी लग्न करणार नाही, असे त्याने म्हटले आहे.
राशिद खानच्या या वक्तव्यानंतर सोशल मीडियावर युझर्स त्याला ट्रोल करत आहेत. अनेकांनी राशिदची तुलना बॉलिवडू अभिनेता सलमान खान याच्याशी केली आहे. काहींनी तु सलमान खानचा फॅन आहेस, असे म्हटले आहे.
वाचा-
आंतरराष्ट्रीय क्रिकेटमधील सर्वोत्तम फिरकीपटू म्हणून राशिदचा उल्लेख होतो. राशिदने अफगाणिस्तान क्रिकेटला वेगळ्या उंचीवर पोहोचवले आहे. २०१५ आणि २०१९च्या वर्ल्ड कप स्पर्धेत साखळी फेरीतच अफगाणिस्तानचे आव्हान संपुष्ठात आले होते. २०१९च्या वर्ल्ड कपमध्ये अफगाणिस्तानकडून काही प्रमाणात आशा होती. पण ते पहिली फेरी पार करू शकले नाहीत.
वाचा-
२०१९च्या वर्ल्ड कपमध्ये राशिदने संघाचे नेतृत्व केले होते. त्याला ९ सामन्यात फक्त ६ विकेट घेता आल्या. संघाचे टी-२० वर्ल्ड कपमधील रेकॉर्ड चांगले आहे. त्यांनी १४ पैकी ५ सामन्यात विजय मिळवला आहे. २०१६ मध्ये टी-२० वर्ल्ड कपमध्ये सर्वाधिक विकेट घेणारा तो दुसरा गोलंदाज होता. त्याने ११ विकेट घेतल्या होत्या.
वाचा-
काहीच दिवसांपूर्वी राशिदच्या आईचे निधन झाले होते. ही माहिती त्याने सोशल मीडियावरून दिली होती. राशिदने चार कसोटीत २३ विकेट, ७१ वनडेत १३३ तर ४० टी२० मध्ये ८९ विकेट घेतल्या आहेत. आयपीएल आणि बिग बॅश लीग स्पर्धेत राशिदने सर्वाचे लक्ष्य वेधले होते. राशिदने करिअरमध्ये आतापर्यंत तीन वेळा हॅटट्रिक घेतली आहे.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
