गांगुली यांचा ८ जुलैला वाढदिवस होता. हा वाढदिवस त्यांनी साजरा केला, असे इंडियन एक्सप्रेसने आपल्या वृत्तात म्हटले आहे. गांगुली यांनी आपल्या कुटुंबियांबरोबर वाढदिवस साजरा केला. त्यावेळी त्यांचा भाऊ स्नेहाशिषही तिथे असू शकतो कारण हे दोन्ही भाऊ एकाच मजल्यावर राहतात. त्यानंतर आता स्नेहाशिष हा करोना पॉझिटीव्ह सापडलेला आहे. त्यामुळे आता गांगुलींचे टेंशन वाढल्याचे पाहायला मिळत आहे.
बुधवारी स्नेहाशिष यांची करोनाची चाचणी करण्यात आली. या चाचणीत त्यांना करोनाची बाधा झाल्याचे सांगितले गेले आहे. स्नेहाशिष आणि सौरव हे दोघे एकाच मजल्यावर राहत आहेत. त्यामुळे सौरवलाही आता धोका वाढलेला आहे. त्यामुळे आता काही गोष्टींचे पालन सौरवला करावे लागणार असल्याचे म्हटले जात आहे. स्नेहाशीष यांची चाचणी पॉझिटिव्ह आल्यानंतर गांगुलीसह बंगाल क्रिकेट असोशिएशनचे अध्यक्ष अभिषेक डालमिया यांनी देखील स्वत:हून होम क्वारंटाइन होण्याचा निर्णय घेतला आहे. स्नेहाशीष यांना कधी भारतीय क्रिकेट संघाकडून आंतरराष्ट्रीय क्रिकेट खेळण्याची संधी मिळाली नाही. पण त्यांनी देशांतर्गत क्रिकेटमध्ये चांगली कामगिरी केली आहे.
कॅबच्या एका अधिकाऱ्याने पीटीआय वृत्तसंस्थेला दिलेल्या माहितीनुसार, त्यांना गेल्या काही दिवसांपासून ताप होता. आज (बुधवारी) त्यांची करोना चाचणी घेण्यात आली. त्याचा निकाल पॉझिटिव्ह आल्यानंतर स्नेहाशीष यांना रुग्णालया दाखल करण्यात आले. बुधवारी रात्री उशिरा त्यांचा रिपोर्ट आला. त्यानंतर नियमानुसार गांगुलीने होम क्वारंटाइन होण्याचा निर्णय घेतल्याचे एका निकटवर्तीयाने सांगितले. या संदर्भात गांगुलीकडून अद्याप कोणतीही प्रतिक्रिया आलेली नाही. फक्त गांगुलीच नाही तर त्याच्या कुटुंबातील सर्व जण होम क्वारंटाइन झाले आहेत. सौरव होम क्वारंटाइन झाल्यावर आता बीसीसीआयच काय होणार, हा प्रश्न चाहते विचारत आहे.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
