Authored by prasad lad | Maharashtra Times | Updated: 3 Nov 2022, 5:52 pm

T 20 World cup : आजच्या सामन्यात पाकिस्तानच्या संघाने दक्षिण आफ्रिकेवर विजय साकारला. या विजयानंतर पाकिस्तानचे आता चार गुण झाले आहेत. दक्षिण आफ्रिकेने हा सामना गमावला असला तरी त्यांच्या खात्यात आता पाच गुण आहेत. पण भारताला या विजयानंतर एक मोठा धक्का बसला आहे. भारताला आता कोणती एक गोष्ट करावी लागेल, जाणून घ्या…

 

T 20 World Cup
सौजन्य-ट्विटर
सिडनी : पाकिस्तानने आजच्या सामन्यात दक्षिण आफ्रिकेला ३३ धावांनी पराभूत केले आहे. पण या त्यांचा विजयाचा फटका भारतीय संघाला बसू शकतो. त्यामुळे पाकिस्तानच्या विजयामुळे आता भारताची सेमी फायनलमध्ये पोहोचण्याची चिंता वाढली आहे.

आजच्या सामन्यात पाकिस्तानच्या संघाने दक्षिण आफ्रिकेवर विजय साकारला. या विजयानंतर पाकिस्तानचे आता चार गुण झाले आहेत. दक्षिण आफ्रिकेने हा सामना गमावला असला तरी त्यांच्या खात्यात आता पाच गुण आहेत. त्यामुळे पाकिस्तानने जर पुढच्या सामन्यात विजय मिळवला तर त्यांचे सहा गुण होऊ शकतात आणि दक्षिण आफ्रिकेने जर पुढचा सामना जिंकला तर त्यांचे सात गुण होऊ शकतात. सध्याच्या घडीला भारताचे सहा गुण आहेत. पण त्यांचा रननेट हा पाकिस्तानपेक्षा कमी आहे.

भारताचा पुढचा सामना हा रविवारी झिम्बाब्वेबरोबर होणार आहे. झिम्बाब्वे आतापर्यंत या विश्वचषकात मोठे धक्के दिले आहेत. त्यामुळे झिम्बाब्वेने भारताला पराभूत केले तर सर्व समीकरण बिघडू शकते. कारण जर भारत या सामन्यात पराभूत झाला तर त्यांचे फक्त सहा गुणच राहतील आणि दुसरीकडे पाकिस्तान आणि दक्षिण आफ्रिका यांची त्यांच्या पुढच्या एकमेव सामन्यात विजय साकारले तर हे दोन्ही संघ उपांत्य फेरीत पोहोचतील आणि भारताचे आव्हान संपुष्टात येऊ शकते. त्यामुळे आता जर भारताला विश्वचषकाच्या सेमी फायनलमध्ये पोहोचायचे असेल तर त्यांच्याकडे फक्त एकच मार्ग आहे आणि तो मार्ग म्हणजे त्यांना झिम्बाब्वेवर विजय मिळवावा लागेल. जर या सामन्यात विजय मिळवला तरच भारतीय संघ विश्वचषकाच्या उपांत्य फेरीत पोहोचू शकतो. अन्यथा भारताचे आव्हान संपुष्टात येऊ शकेत. त्यामुळे आता भारतासाठी झिम्बाब्वेचा सामना सर्वात महत्वाचा असणार आहे. भारत आणि झिम्बाब्वे यांच्यातील सामना आता रविवारी खेळवण्यात येणार आहे. त्यामुळे या सामन्यात भारतीय संघ कशी कामगिरी करतो, याकडे सर्वांचे लक्ष असेल. त्याचबरोबर भारतीय संघ विजय मिळवतो का, याकडे तमाम क्रिकेट विश्वाचे लक्ष आता लागलेले असणार आहे.

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Sports News in Marathi: Latest Marathi News on Cricket, Football, Tennis, Hockey & more | Maharashtra Times

RELATED ARTICLESMORE FROM AUTHOR

101 COMMENTS

LEAVE A REPLY

Please enter your comment!
Please enter your name here