वाचा-
आर्चरने आयसीसीचा एक सर्वात महत्त्वाचा असा नियम मोडला. त्याने बायो सिक्युअर हा नियम पाळला नाही. करोनानंतर आयसीसीने क्रिकेटसाठी काही नियम तयार केले. यात सोशल डिस्टस्टींग, चेंडूला थुंकी न लावणे आदींचा समावेश आहे. इंग्लंड बोर्डाने खेळाडूंच्या सुरक्षिततेसाठी जैव सुरक्षित वातावरण तयार केले. यानुसार खेळाडू मैदनात कुठेही फिरू शकत नाही किंवा कोणाच्या संपर्कात येऊ शकत नाही. आर्चने या नियमांचे पालन केले नाही.
इंग्लंड आणि वेल्स क्रिकेट बोर्डाचे निर्देशक अॅशले जाइल्स म्हणाले, आर्चरने कोव्हिड-१९ नियमांचे उल्लघन केले आहे. त्यामुळे त्याच्यावर कारवाई होणार. आर्चरच्या चुकीमुळे बोर्डाचे कोट्यवधी पाउंडचे नुकसान झाले असते. वेस्ट इंडिज विरुद्ध झालेल्या पहिल्या कसोटी सामन्यानंतर आर्चर घरी गेला होता. याचा परिणाम पूर्ण क्रिकेट सत्रावर झाला असता.
वाचा-
प्रत्येक चुकीसाठी शिक्षा झाली पाहिजे. या प्रकरणी अनुशासनात्मक कारवाई केली जाईल. या चूकीमुळे मोठे संकट निर्माण झाले असते, असे जाइल्स म्हणाले. आता आर्चरला पाच दिवस क्वारंटाइन व्हावे लागेल. या काळात दोन वेळा त्याची करोना चाचणी घेतली जाणार आहे.
वाचा-
करोना संकट असताना इंग्लंड बोर्डाने वेस्ट इंडिज आणि पाकिस्तान या दोन्ही देशांना क्रिकेटसाठी बोलवले. वेस्ट इंडिज दौऱ्यानंतर इंग्लंड संघ पाकिस्तानविरुद्ध ३ सामन्यांची कसोटी आणि टी-२० मालिका खेळणार आहे.
जोफ्रा आर्चरने इंग्लंडकडून ८ कसोटी, १४ वनडे आणि एक टी-२० सामना खेळला आहे. त्याने आतापर्यंत ५८ विकेट घेतल्या आहेत. आर्चरच्या आधी वेस्ट इंडिजचे कोच फिल सिमन्स हे सासऱ्यांच्या अंत्यसंस्कारासाठी बाहेर गेले होते. तेव्हा वेस्ट इंडिज बोर्डातील सदस्यांनी प्रश्न चिन्ह उपस्थित केले होते. सिमन्स यांचे निलंबन करण्याची मागणी तेव्हा करण्यात आली होती.
वाचा- महाराष्ट्र टाइम्स आता टेलिग्रामवरही आहे. लेटेस्ट बातम्या आता मोबाइलवरही मिळवा. फॉलो करण्यासाठी करा.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
