Authored by prasad lad | Maharashtra Times | Updated: 9 Nov 2022, 5:04 pm

PAK vs NZ T20 World Cup: न्यूझीलंडने पाकिस्तानपुढे विजयासाठी १५३ धावांचे आव्हान ठेवले होते. पण पाकिस्तानच्या बाबर आझम व मोहम्मद रिझवान यांनी शतकी सलामी दिली. त्यामुळेच त्यांना या सामन्यात विजय साकारता आला आणि आता त्यांनी फायनलमध्ये प्रवेश केला आहे. बाबर आझमने यावेळी ४२ चेंडूंत ५३ धावांची खेळी साकारली व ही खेळी मोलाची ठरली.

 

T 20 World Cup Final
सौजन्य-ट्विटर
सिडनी : पाकिस्तानच्या संघाने न्यूझीलंडवर दणदणीत विजय साकारला आणि त्यांनी फायनलमध्ये दिमाखात प्रवेश केला. न्यूझीलंडने पाकिस्तानपुढे विजयासाठी १५३ धावांचे आव्हान ठेवले होते. पण पाकिस्तानच्या बाबर आझम आणि मोहम्मद रिझवान यांनी शतकी सलामी दिली. त्यामुळेच त्यांना या सामन्यात विजय साकारता आला आणि आता त्यांनी फायनलमध्ये प्रवेश केला आहे. बाबर आझमने यावेळी ४२ चेंडूंत ५३ धावांची खेळी साकारली आणि ही खेळी महत्वाची ठरली. त्याला मोहम्मद रिझवानची चांगली साथ मिळाली, त्याने ५७ धावांची खेळी साकारली. त्यामुळेच पाकिस्तानला या सामन्यात सहजपणे विजय मिळता आला. आता पाकिस्तान अंतिम फेरीत कोणाशी भिडणार हे गुरुवारच्या सेमी फायनलनंतर ठरणार आहे. पाकिस्तान या विश्वचषकाच्या सेमी फायनलमध्ये पोहोचेल की नाही, हे सांगता येत नव्हते. पण त्यांना सेमी फायनलची लॉटरी लागली आणि आता उपांत्य फेरीत त्यांनी या संधीचे सोने केले. पाकिस्तानने न्यूझीलंडवर सात विकेट्स राखून विजय मिळवला.

पाकिस्तानच्या संघाने आज आपण नेमकं काय आहोत, हे करून दाखवलं. कारण न्यूझीलंडचा संघ हा गुणतालिकेत अव्वल स्थानावर होता. त्यामुळे त्यांना पराभूत करणं हे सोपं नव्हतं. पण पाकिस्तानच्या संघाने आज हे करून दाखवलं. पाकिस्तानच्या संघाने चांगली गोलंदाजी केली आणि न्यूझीलंडच्या संघाला १६० धावांच्या आतमध्येच थांबवलं.

पाकिस्तानने प्रथम गोलंदाजी करताना चांगली सुरुवात केली. न्यूझीलंड विरुद्धच्या सामन्यात पाकिस्तानकडून पहिले षटक शाहीन शाह आफ्रिदी टाकायला आला. तर किवी संघाकडून फिन अॅलेन आणि डेवॉन कॉनवे ही सलामीची जोडी मैदानात अली. आफ्रिदीने पहिला चेंडू अॅलेनला टाकला आणि पहिल्याच चेंडूवर अॅलेनने शानदार चौकार मारला. यानंतर एक वेगळाच ड्रामा झाला. आफ्रिदीने दुसरा चेंडू टाकला आणि दुसऱ्याच चेंडूवर शाहीन आफ्रिदीने LBW आऊट झाल्याचा अपील केला, पण न्यूझीलंडने लगेच रिव्यू घेतला आणि हा रिव्यू न्यूझीलंडच्या बाजूने गेला आणि अॅलेनला नाबाद दिले. शाहीन डगमगला नाही त्याने अॅलेनला आऊट करायचे मनात ठाम केले होते आणि तिसरा चेंडू टाकला. दुसऱ्या चेंडूवर अॅलेन वाचला पण तिसऱ्या चेंडूवर अखेरीस आफ्रिदीने अॅलेनला LBW आऊट केले. तेव्हा न्यूझीलंडची धावसंख्या १ बाद ४ धावा अशी होती. त्यानंतर पाकिस्तानने सामन्यावर नियंत्रण ठेवलं आणि या गोष्टीचाच फायदा त्यांना यावेळी झाला.

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Sports News in Marathi: Latest Marathi News on Cricket, Football, Tennis, Hockey & more | Maharashtra Times

LEAVE A REPLY

Please enter your comment!
Please enter your name here