सामना संपल्यानंतर रोहित शर्मा हा खाली मान घालूनच मैदानातून बाहेर पडला. त्यानंतर डगआऊटमध्ये बसल्यावर त्याला रडू कोसळलं. भारताचं विश्वचषक जिंकण्याचं स्वप्न हातातून निसटल्याने रोहित शर्मा भावूक झाला आणि त्याच्या डोळ्यातून अश्रूंच्या धारा वाहू लागल्या. तो डोळे पुसताना दिसला. याचा एक व्हिडिओ सध्या व्हायरल होत आहे. यावेळी रोहित शर्मा एकटा बसला होता आणि आपल्या भावनांना अश्रूंद्वारे वाट मोकळी करुन देताना दिसला.
पुन्हा एकदा रोहित शर्माच्या नशिबी निराशाच आली. २०१९ च्या टी-२० विश्वचषकाच्या सेमीफायनलमध्ये भारताला न्यूझीलंडकडून पराभव स्विकारावा लागता होता. तेव्हाही रोहित शर्माला अश्रू अनावर झाले होते.
डगआऊटमध्ये बसलेला रोहित शर्माचे डोळे पाणावले
या विश्वचषकात रोहित शर्माची कामगिरी खूपच खराब होती आणि त्याने ६ सामन्यात १९.३३ च्या सरासरीने एकूण ११६ धावा केल्या. याशिवाय, आता त्याच्या टी-२० कारकिर्दीवरही प्रश्न उपस्थित केले जात आहेत.
हा व्हिडिओ पाहून तुमच्याही डोळ्यात पाणी येईल
इंग्लंडचा भारतावर विजय
स्पर्धेच्या दुसऱ्या उपांत्य फेरीत विराट कोहली आणि हार्दिक पांड्याने अर्धशतके झळकावली. तेव्हा असं वाटलं होतं की भारत सेमी फायनल जिंकेल. पण तरीही संघाला विजयाला गवसणी घालता आली नाही. भारताने पहिल्यांदा फलंदाजी करत ६ बाद १६८ धावा केल्या. कोहलीने ४० चेंडूत ५० धावा केल्या तर पांड्याने ३३ चेंडूत ६३ धावा केल्या. प्रत्युत्तरात इंग्लंडने १६ षटकांत एकही विकेट न गमावता लक्ष्य गाठले. जोस बटलर आणि अॅलेक्स हेल्स यांनी पहिल्या विकेटसाठी नाबाद १७० धावांची भागीदारी केली.
सेमी फायनल
Sports News in Marathi: Latest Marathi News on Cricket, Football, Tennis, Hockey & more | Maharashtra Times
