पहिला कसोटी सामना संपल्यावर आर्चर हा गर्लफ्रेंडला भेटण्यासाठी मँचेस्टर येथून दोन तासावर असलेल्या ब्रिगटेन येथे तिच्या घरी गेला होता. त्यानंतर इंग्लंडने त्याला दुसऱ्या कसोटी सामन्यामधून संघाबाहेर केले आहे. आता त्याला दोन करोना चाचण्या कराव्या लागतील आणि त्यामध्ये निगेटीव्ह सापडल्यावरच त्याला सामना खेळता येणार आहे.
गर्लफ्रेंडला भेटल्यामुळे आर्चरवर आता दंड भरावा लागणार आहे. त्याचबरोबर इंग्लंडच्या क्रिकेट मंडळाने आर्चरला सक्त ताकिदही दिली आहे. त्यामुळे गर्लफ्रेंडला भेटण्याची गोष्ट आर्चरला चांगलीच भोगावी लागल्याचे पाहायला मिळाले आहे.
नेमके काय आहे प्रकरण…
चार महिन्यांनंतर इंग्लंडमध्ये क्रिकेटला सुरुवात करण्यात आली आहे. त्यासाठी इंग्लंडच्या क्रिकेट मंडळाने काही गोष्टी केल्या आहेत. इंग्लंडच्या क्रिकेट मंडळाने जैव सुरक्षित वातावरण बनवले आहे. जैव सुरक्षित वातावरणासाठी इंग्लंडने एक मशिन क्रिकेट मैदानात लावली आहे. त्यामुळे व्हायरसचे संक्रमण होत नाही. पण या वातावरणासाठी काही नियमही बनवण्यात आले आहेत.
इंग्लंडचा वेगवान गोलंदाज हा संघाबरोबर होता. पहिल्या कसोटी सामन्यात त्याने चांगली कामगिरी केली होती. पण दुसऱ्या सामन्यात त्याला संघाबाहेर काढण्यात आले. कारण आर्चर हा गर्लफ्रेंडला भेटण्यासाठी मँचेस्टर येथून दोन तासावर असलेल्या ब्रिगटेन येथे तिच्या घरी गेला होता. ही गोष्ट इंग्लंडच्या संघाला समजली. इंग्लंडच्या खेळाडूंसाठी हॉटेलचा रुम ते मैदानातील प्रवास हा सर्व सॅनिटराईज केला आहे. त्यामुळे काही गोष्टींची काळजी खेळाडूंनीही घ्यायची आहे.
आर्चरने हे नियम मोडले आणि तो गर्लफ्रेंला तिच्या घरी जाऊन भेटून आला. त्यामुळेच आता त्याला संघातून बाहेर काढण्यात आले आहे. आर्चरला आता आयसोलेशनमध्ये राहावे लागणार आहे. त्याचबरोबर त्याच्या आता दोन करोना चाचण्या करण्यात येणार आहेत. या चाचण्यांमध्ये जर आर्चर निगेटीव्ह सापडला तरच त्याला इंग्लंडच्या संघाकडून खेळता येणार आहे.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
