धोनी गेल्या विश्वचषकात खेळला होता. पण त्यानंतर वर्षभरात तो क्रिकेटचा सामना खेळताना दिसला नाही. वर्षभर तो क्रिकेटपासून लांब आहे. आता आयपीएमधून तो पुनरागमन करणार होता. पण आयपीएल नेमके कधी सुरु होणार, हेदेखील कोणी सांगू शकत नाही. त्यामुळे आता धोनीच्या करिअरचे काय, हा प्रश्न सर्वांनाच पडलेला आहे. पण गेले काही दिवस धोनीला चाहत्यांनी पाहिलेले नाही. धोनी सध्या करतोय तरी काय, हा प्रश्न सर्वच क्रिकेट चाहत्यांना पडलेला आहे.
धोनी नेमका काय करतो, या गोष्टीचा एक व्हिडीओ आयपीएलमधील चेन्नई सुपर किंग्सने आज पोस्ट केलेला पाहायला मिळाला आहे. या व्हिडीओमध्ये धोनी काही गोष्टी करत असल्याचे पाहायला मिळाले आहे. बऱ्याच कालावमधीनंतर धोनीचे दर्शन यावेळी त्याच्या चाहत्यांना झाले आहे. त्यामुळे त्याचे चाहतेही आनंदात आहेत.
धोनीने फेब्रुवारी महिन्यापासून आयपीएलच्या सरावाला सुरुवात केली होती. थोडे दिवस त्याने चेन्नईला जाऊन सराव केला होता. पण करोनामुळे त्याला सराव थांबवावा लागला आणि चेन्नईहून त्याला राहत्या घरी रांचीला यावे लागले होते. रांचीला आल्यावर काही दिवस धोनीने बॅडमिंटनचाही सराव केला होता. पण लॉकडाऊन कडक झाल्यानंतर धोनी आपल्याच घरी राहत असल्याचे समजत होते.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
