electricity bill scam, Cyber Fraud: तुम्हालाही हे 5 SMS येत असतील तर, राहा अलर्ट ! एक क्लिक आणि अकाउंट रिकामे – hackers uses these 5 types of messages for cyber fraud stay alert

Loan Approval SMS

कर्ज मंजुरीबाबत घोटाळा: याशिवाय कर्ज देण्याच्या नावाखाली युजरसोबत फसवणूकही केली जात आहे . प्रथम, युजर्सला मेसेज पाठवला जातो की त्याचे कर्ज पूर्व-मंजूर झाले आहे. अशी कर्जे मंजूर केली जातात, ज्यासाठी तुम्ही कधीही अर्ज केला नाही. यानंतर तुम्हाला एका लिंकवर क्लिक करण्यास सांगितले जाते. त्यावरही तुमच्याकडून वैयक्तिक माहिती घेऊन फसवणूक केली जाते. त्यामुळे असा मेसेज तुम्हालाही आला असेल तर तुम्हाला सावध राहण्याची गरज आहे. निष्काळजीपणा केल्यास तुमचे मोठे नुकसान होऊ शकते.

वाचा : WhatsApp Account आणि डेटा असा ठेवा सुरक्षित, हॅकर्स राहतील दूर, डिव्हाइस राहील सेफ

Electricity bill SMS

वीज कपातीच्या नावाखाली घोटाळा: वीज कपातीचा मेसेज देखील एक सामान्य घोटाळा आहे. अशा घोटाळ्यात, लोकांना त्यांच्या घराची वीज कापली जाणार आहे. असे सांगतिले जाते हे टाळण्यासाठी त्यांना एका नंबरवर कॉल करण्यास सांगितले जाते. हा नंबर स्कॅमरचा असतो. असे केल्यास आणि स्कॅमरला तुमच्याकडून सर्व वैयक्तिक माहिती मिळते. याचा वापर आर्थिक फसवणूक करण्यासाठी केला जातो.

कस्टम विभागाच्या नावाखाली लोकांना बळी बनवले जाते: साध्य एक नवा स्कॅम जोरात सुरू आहे. यामध्ये युजरला एक मेसेज पाठवला जातो की त्याची महागडी भेट कस्टम विभागाकडे जमा आहे आणि ती मिळविण्यासाठी, तुम्हाला कस्टम ड्युटी भरण्यास सांगितले जाते. कस्टम ड्युटीच्या नावाखाली ही फसवणूक होते. पैसे दिल्यानंतर घोटाळेबाज तुमच्याशी बोलणे बंद करतात.

वाचा :Vodafone-Idea Plans: बेस्टच ! एकाच बिलात संपूर्ण कुटुंबाला मिळणार अनलिमिटेड कॉल, डेटासह हे बेनेफिट्स

Account Block SMS

बँक खाते ब्लॉक करण्याच्या नावाखाली फसवणूक : या प्रकारच्या घोटाळ्यात युजर्सला बँक खाते किंवा कार्ड ब्लॉक करण्यात येत असल्याचे सांगितले जाते. तुमच्यापैकी अनेकांना कधी तरी या प्रकारचा मेसेज आला असेलच . या मेसेजमध्ये कधी एसबीआय योनोवर बंदी घालण्यात येणार असल्याचे म्हटले जाते. तर, कधी एचडीएफसी नेटबँकिंग ब्लॉक करण्याचे सांगितले जाते. यामध्ये देखील एक लिंक दिलेली असते आणि त्यावर क्लिक करण्यास सांगतिले जाते. पण, हाच खरा ट्रॅप असतो. त्यावर दिलेल्या फिशिंग लिंकवर चुकूनही क्लिक करू नका.

Job Vacancy Messages

नोकरी देण्याच्या नावाखाली सायबर फसवणूक: आजकाल नोकरीचे आमिष दाखवून देखील सायबर फसवणूक होत असल्याचे दिसून येत आहे. यामध्ये युजरला त्याचा नोकरीचा अर्ज मंजूर झाल्याचे सांगितले जाते. यानंतर त्या नोकरीत मिळणारे वेतन देखील युजर्सला सांगितले जाते. इतकेच नाही तर, मेसेजच्या शेवटी एक लिंक दिली जाते आणि त्यावर क्लिक करण्यास सांगितले जाते. अनेकदा यात व्हॉट्सअॅप चॅटची लिंक असते, जे स्कॅमरसह तुमचे WhatsApp चॅट उघडते. यानंतर हॅकर्स तुमच्याकडून तुमची वैयक्तिक माहिती मिळवून फसवणूक करण्याचा प्रयत्न करतात.

वाचा: Redmi K50i च्या किमतीत ११,००० रुपयांची कपात, फोनमध्ये ६४ MP Camera सह हे फीचर्स