Cheapest Smartphones: सध्या स्मार्टफोन यूजर्स बजेट फोन मोठ्या प्रमाणत खरेदी करत असून स्वस्तात मस्त या स्मार्टफोन्सची खूप चर्चा देखील आहे. आज आम्ही तुम्हाला अशाच काही स्वस्त स्मार्टफोन्सबद्दल सविस्तर सांगणार आहो. जर तुम्ही फीचर फोनमधून स्मार्टफोनमध्ये अपग्रेड करण्याचा विचार करत असाल तर, बाजारात एकापेक्षा एक उत्तम स्मार्टफोन उपलब्ध आहेत. जर तुमचे बजेट कमी असेल तर, ७ हजार रुपयांपेक्षा कमी किंमतीत मिळणाऱ्या अनेक शानदार फोनचा तुम्ही विचार करू शकता. Realme, Nokia सारख्या कंपन्यांचे स्मार्टफोन तुम्ही कमी किंमतीत खरेदी करू शकतात. या फोनमध्ये तुम्हाला शानदार डिस्प्ले, कॅमेरा आणि मोठी बॅटरी देखील मिळेल. या रेंजमध्ये तुम्हाला Realme C30, आणि सारखे फोन खरेदी करता येतील. या स्मार्टफोनची किंमत, स्पेसिफिकेशन्स आणि फीचर्सविषयी सविस्तर जाणून घ्या आणि स्वतःसाठी खरेदी करा बेस्ट डिव्हाइस.

Realme C30

realme-c30

Realme C30: Realme C30 च्या स्पेसिफिकेशनबद्दल बोलायचे झाले तर, यात ६.५ -इंचाचा HD Plus डिस्प्ले आहे. याचे रिझॉल्यूशन १६०० x ७२० पिक्सल, रिफ्रेश रेट ६० हर्ट्ज, आस्पेक्ट रेशियो २०:९, स्क्रीन टू बॉडी रेशियो ८८. ७०% आहे. फोनमध्ये Unisoc T६१२ ऑक्टा-कोर प्रोसेसरचा सपोर्ट मिळतो. फोन अँड्राइड ११ आधारित Realme UI Go एडिशनवर काम करतो. या मोबाईलची किंमत सध्या फ्लिपकार्टवर ६९९९ रुपये आहे.याच्या मागील पॅनलवर ८-मेगापिक्सलचा कॅमेरा आहे. तर, सेल्फीसाठी Realme C30 मध्ये ५-मेगापिक्सलचा फ्रंट कॅमेरा देण्यात आला आहे. यात ५००० mAh बॅटरी आहे.

वाचा :बेस्टच ! Google Pixel 6a च्या किमतीत मोठी कपात, १०,९९९ रुपयांत मिळतोय ४४ हजारांचा फोन

Tecno Pop 5 LTE

tecno-pop-5-lte

Tecno Pop 5 LTE: फोन ऑक्टा-कोर Unisoc SC9863 प्रोसेसरने सुसज्ज आहे. यात ६.५२ -इंचाचा डॉट नॉच एचडी+ डिस्प्ले, स्क्रीन टू बॉडी रेशो ९० टक्के आहे. फोनमध्ये, ५००० mAh बॅटरी आहे, जी अल्ट्रा पॉवर सेव्हिंग मोडसह येते. फोनमध्ये ड्युअल रियर कॅमेरा देण्यात आला आहे. त्याचा पहिला सेन्सर ८ MP पोर्ट्रेट आहे आणि दुसरा सेन्सर २ मेगापिक्सेलचा आहे. तसेच, ५ MP फ्रंट कॅमेरा देण्यात आला आहे. फोनची किंमत सध्या फ्लिपकार्टवर ६७४८ रुपये आहे. फोन Android 10 (Go Edition) वर काम करत असून हे डिव्हाइस ट्रेंडी आणि चमकदार डिझाइनसह येते.

वाचा : JioFiber चा सर्वात स्वस्त प्लान, हवं तितकं इंटरनेट वापरा, डेटा संपण्याचे टेन्शन नाही,

Nokia C01 Plus

nokia-c01-plus

Nokia C01 Plus : या फोनची किंमत सध्या फ्लिपकार्टवर ६७९९ रुपये आहे. या स्मार्टफोनमध्ये ड्यूल नॅनो सिम सपोर्ट मिळेल. हा फोन अँड्राइड ११ (Go edition) वर चालतो. फोनमध्ये ५.४५ इंचचा एचडी+ डिस्प्ले देण्यात आला आहे. फोनचा आस्पेक्ट रेशिया १८:९ आहे. फोनमध्ये octa-core Unisoc SC9863a SoC प्रोसेसर मिळेल. यासोबत १ जीबी रॅम आणि १६ जीबी स्टोरेज मिळते. स्टोरेजला मायक्रोएसडी कार्डने १२८ जीबीपर्यंत वाढवता येईल.कनेक्टिव्हिटीसाठी यात ४G LTE, Wi-Fi ८०२.११ b/g/n, Bluetooth v४.२, GPS/ A-GPS, FM radio, Micro-USB port आणि ३.५mm चा हेडफोन जॅक मिळेल.

Redmi A1

redmi-a1

Redmi A1: Redmi A1 ची किंमत फ्लिपकार्टवर ६४९९ रुपये आहे. यात ६.५२ इंच HD+ डिस्प्ले देण्यात आला आहे. Redmi A1 मध्ये तुम्हाला MediaTek Helio A22 प्रोसेसर मिळेल. फोनमध्ये ८ MP ड्युअल रियर कॅमेरा सेटअप उपलब्ध आहे. तर, ५ MP चा फ्रंट कॅमेरा देण्यात आला आहे. Redmi A1 मध्ये ५००० mAh ची बॅटरी आहे, ज्यामध्ये १० W चार्जर दिलेला आहे. ५००० mAh बॅटरी म्हणजे तुम्हाला बॅटरी बॅकअपबद्दल कोणतीही तक्रार असणार नाही. जर तुम्ही बजेट स्मार्टफोन शोधत असाल आणि तुम्हाला फीचर फोनवरून अपग्रेड करायचे असेल, तर या फोनचा नक्कीच विचार करू शकता.

वाचा: Call Recording: फोनवर बोलताना असा आवाज येतोय ? व्हा अलर्ट, रेकॉर्ड होतोय तुमचा कॉल

Gadget News in Marathi: Computer, Mobile, Auto News in Marathi | Maharashtra Times

LEAVE A REPLY

Please enter your comment!
Please enter your name here