वनप्लसच्या स्वस्त फोनचा पहिला सेल पुढे ढकलला, जाणून घ्या नवी तारीख

नवी दिल्लीः वनप्लसचा सर्वात स्वस्त फोन वनप्लस नॉर्डचा आज पहिला सेल आज आयोजित करण्यात आला होता. परंतु, काही कारणास्तव तो पुढे ढकलला आहे. आता हा सेल ६ ऑगस्ट रोजी होणार आहे. कंपनीने या फोनला नुकतेच लाँच केले आहे. वनप्लसचा हा लेटेस्ट मिड रेंज स्मार्टफोनची सुरुवातीची किंमत २४ हजार ९९९ रुपये आहे. फोनमध्ये दमदार स्नॅपड्रॅगन प्रोसेसर, 90Hz रिफ्रेश रेट सोबत अनेक जबरदस्त फीचर्स दिले आहेत. पहिल्या सेलमध्ये कंपनीने आकर्षक ऑफर दिली आहे. ज्यात युजर्संना ६ हजार रुपयांपर्यंत फायदे मिळू शकतात.

वाचाः

पहिल्या सेलमध्ये वनप्लस नॉर्डला खरेदी केल्यावर अमेरिकन एक्सप्रेस कार्ड होल्डर्सला २ हजार रुपयांचा डिस्काउंट दिला जाणार आहे. जर तुम्ही वनप्लस रेड केबल मेंबर्स असाल तर तुम्हाला एक्सक्लूसिव्ह एक्सटेंडेड वॉरंटी सोबत अनेक थर्ड पार्टी बेनिफिट्स आणि वनप्लस क्लाउड वर ५० जीबी फ्री स्टोरेज मिळतो. वनप्लस नॉर्डला तुम्ही अॅमेझॉन इंडिया आणि वनप्लसच्या अधिकृत वेबसाइटवरून खरेदी करू शकता.

वाचाः

वनप्लस नॉर्डचे वैशिष्ट्ये
फोनमध्ये ९० एचझेड रिफ्रेश रेट सोबत ६.४४ इंचाचा फुल एचडी डिस्प्ले दिला आहे. या फोनमध्ये गोरिला ग्लास ५ प्रोटेक्शन दिला आहे. ८ जीबी पर्यंत रॅम आणि १२८ जीबी पर्यंत इंटरनल स्टोरेज दिला आहे. या फोनमध्ये स्नॅपड्रॅगन ७६५ जी प्रोसेसर दिला आहे. हा फोन अँड्रॉयड १० बेस्ड Oxygen OS 10.5 वर काम करतो. फोटोग्राफईसाठी या फोनमध्ये ड्यूल एलईडी फ्लॅश सोबत क्वॉड रियर कॅमेरा सेटअप दिला आहे.

वाचाः

यात ४८ मेगापिक्सलच्या रियर कॅमेऱ्यात एक ८ मेगापिक्सलचा अल्ट्रा वाइड अँगल कॅमेरा, एक दोन मेगापिक्सलचा मायक्रो सेन्सर आणि एक ५ मेगापिक्सलचा डेप्थ सेन्सर दिला आहे. सेल्फीसाठी फोनमध्ये ३२ मेगापिक्सलचा प्लस ८ मेगापिक्सलचा ड्यूल कॅमेरा सेटअप दिला आहे. फोनला पॉवर देण्यासाठी यात ४११५ एमएएच क्षमतेची बॅटरी दिली आहे. या फोनमध्ये वॉर्प चार्ज ३० टी फास्ट चार्जिंगचा सपोर्ट दिला आहे.

वाचाः

वाचाः

वाचाः