Smartphones : दमदार कॅमेरा हवाय? 200 मेगापिक्सलपर्यंतचे पर्याय,मिड-रेंज किंमतीचे हे फोन पाहिले का? – top 5 mid range smartphones with camera upto 200mp motorola edge 30 pro iqoo neo 7 realme 10 pro plus and redmi phones in list

नवी दिल्ली :Smartphones under 30000 Rupees: एकीकडे मार्केटमध्ये स्वस्तात मस्त फोन लॉन्च होत आहेत, तर ब्रँडेड असे महागडे फोनही आहेत. पण या सर्वातही मिड रेंज फोनची विक्रीही अधिक आहे. कारण मध्यम किंमतीत प्रिमीयम लूक आणि फील हे फोन देतात. दरम्यान सर्वच मोबाईल कंपन्या आपआपले मध्यम श्रेणीच्चे स्मार्टफोन्स लॉन्च करत आहेत. बहुतेक मध्यम श्रेणीचे फोन हे दमदार चिपसेट, उत्कृष्ट कॅमेरा सेटअप यासारख्या महत्त्वाच्या फीचर्ससह येतात. हे फोन रोजच्या वापरासाठी लॅग-फ्री परफॉर्मन्स देतात. जर तुम्हाला फोटोग्राफी, गेमिंगची थोडीही आवड असेल तरी देखील हे फोन म्हणजे बेस्ट पर्याय आहेत. तर अशाच काही मिड रेंज म्हणजेच ३० हजार रुपये किंमतीच्या आतील फोन्सबद्दल जाणून घेऊ…

Motorola Edge 30 Pro

तर या यादीतील एक टॉपचा फोन म्हणाल तर मोटोरोलाचा 2022 मध्ये लॉन्च झालेला Motorola Edge 30 Pro. या हँडसेटमध्ये Qualcomm Snapdragon 8 Gen 1 प्रोसेसर देण्यात आला आहे. Edge 30 Pro हे एक उत्तम गेमिंग फोन आहे. या फोनमध्ये 144Hz रिफ्रेश रेट स्क्रीन आहे जी फुलएचडी+ रिझोल्यूशन देते. या हँडसेटमध्ये 8 जीबी रॅम आणि 128 जीबी इनबिल्ट स्टोरेज आहे. हा स्मार्टफोन ई-कॉमर्स वेबसाइट फ्लिपकार्टवरून २९,९९९ रुपयांना खरेदी करता येईल. तुम्हाला गेम खेळण्याची आवड असेल किंवा फ्लॅगशिप परफॉर्मन्स अनुभवायचा असेल तर हा मोटोरोला हँडसेट एक परफेक्ट पर्याय आहे.

वाचा :Netflix, Prime, Hotstar: आता अनलिमिटेड मूव्हीसह, वेब सीरीजचीही घ्या मजा, पाहा सर्व प्लॅन्सची माहिती सविस्तर

iQOO Neo 7

iQoo Neo 7 हा आणखी एक स्मार्टफोन आहे जो डेली युजसाठी उत्कृष्ट परफॉर्मन्स प्रदान करतो. iQoo फोन प्लास्टिकच्या बॅक पॅनेलसह येतो पण तरीही त्याची बिल्ड क्वॉलिटि अगदी भारी असून एक प्रीमियम अनुभव देते.
iQOO Neo 7 मध्ये MediaTek Dimensity 8200 चिपसेट देण्यात आला आहे. फोनमध्ये 120W फास्ट चार्जिंग सपोर्ट उपलब्ध आहे. iQOO कंपनीचं हे मॉडेल प्राईसच्या दृष्टीने सर्वोत्तम मध्यम-श्रेणी उपकरण आहे जे ३०,९८५ मध्ये खरेदी करता येते.

​वाचाःफास्ट चार्जिंग फीचर तुमच्या स्मार्टफोनसाठी किती फायद्याचं किती तोट्याचं?

Realme 10 Pro Plus

Realme 10 Pro Plus हा या यादीतील 30,000 रुपयांपेक्षा कमी किंमतीतील आणखी एक फ्लॅगशिप फोन आहे. यामध्ये MediaTek Dimensity 1080 हा प्रोसेसर आहे. पण तुम्हाला जर कर्व्ह डिझाईन या बजेटमध्ये हवा असल्यास हा फोन म्हणजे एक अगदी दमदार पर्याय आहे. Realme 10 Pro Plus मध्ये 108-megapixel रेअर कॅमेरा आहे. हँडसेटला पॉवर देण्यासाठी, 5000mAh बॅटरी प्रदान केली गेली आहे जी 67W फास्ट चार्जिंगला सपोर्ट करते. २४,९९९ रुपये या फोनची किंमत आहे.

​वाचा:घराचं होईल थिएटर! Home Theater घ्यायचा विचार करताय? १० हजारांच्या आत हे आहेत बेस्ट ऑप्शन

​Redmi Note 12 Pro Plus​

Redmi Note 12 Pro Plus हा कंपनीच्या Note मालिकेतील सर्वात महागडा फोन आहे. या स्मार्टफोनमध्ये MediaTek Dimensity 1080 प्रोसेसर देण्यात आला आहे, जो मल्टीटास्किंग आणि काही गेमिंगसाठी चांगला आहे. या स्मार्टफोनचं सर्वात महत्त्वाचं फीचर म्हणजे यात दिलेला 200-मेगापिक्सलचा रेअर कॅमेरा, जो ऑप्टिकल इमेज स्टॅबिलायझेशन (OIS) सह येतो.फोनवरून दिवसा उजेडात क्लिक केलेला फोटो अगदी क्लिअर येतो. Redmi Note 12 Pro Plus हा त्यांच्यासाठी एक चांगला पर्याय आहे जे जास्त गेमिंग करत नाहीत आणि दैनंदिन गरजांसाठी एक भारी फोन घेऊ इच्छित आहेत. या हँडसेटची किंमत २९,९९९ रुपयांपासून सुरू होते. परंतु बँकेच्या ऑफर्ससह सवलतीत याचा लाभ घेता येईल.

​वाचा :SmartPhone Care : मोबाईलची स्क्रीन घरच्या घरी कशी कराल साफ? सोप्या तीन स्टेप्सने चमकेल तुमचा स्मार्टफोन​

Nothing Phone (1)

नव्याने मार्केटमध्ये आलेल्या या Nothing कंपनीने त्यांचा पहिला स्मार्टफोन फोन (1) सुमारे एक वर्षापूर्वी लॉन्च केला. पण अजूनही सर्वोत्कृष्ट मिड-रेंज फोन्सच्या यादीत त्याने आपली क्रमवारी कायम ठेवली आहे. हा फोन Qualcomm Snapdragon 778G चिपसेट सह येतो. फोनमध्ये उत्कृष्ट AMOLED डिस्प्ले, दोन 50 मेगापिक्सेलचे मागील कॅमेरे आहेत. नथिंग फोन (1) ची सर्वात खास गोष्ट म्हणजे मागील बाजूस Glyph इंटरफेससह आढळणारा अनोखा लुक. हा स्मार्टफोन २८,९९९ रुपये किंमतीला येतो.

​वाचाःPhone Hacked: ‘या’ पाच गोष्टी होत असतील तर समजा हॅक झालाय तुमचा फोन, होऊ शकतो मोठा तोटा