Artificial Intelligence मानवी भविष्यासाठी धोकादायक, अर्ध्याहून अधिक अमेरिकन लोकांचं मत, पाहा खास सर्व्हे – artificial intelligence is dangerous for humen future says half of americans says survay

​Artificial Intelligence is Dangerous Says Survay : सद्यस्थितीला जगभरातील टेक दिग्गज AI शर्यतीत एकमेकांना मागे टाकण्यासाठी स्पर्धा करत आहेत. दररोज AI जगतात नवनवीन शोध लागत आहेत. मागील काही महिन्यांपासून टेक्नोलॉजीच्या जगात तर AI चॅटबॉट ChatGPT ची तुफान चर्चा होताना दिसत आहे. ओपनएआयचा हा चॅटजीपीटी चॅटबॉट आतापर्यंतचा सर्वात जलद डाऊनलोड होणारं अॅप्लिकेशन बनलं आहे. ChatGPT ने एक प्रकारची AI शर्यत सुरू केली आहे, ज्यामध्ये Microsoft आणि Google सारख्या टेक दिग्गजांनी एकमेकांच्या AI उपलब्धींना मागे टाकण्यासाठी स्पर्धा केली आहे.पण या सर्वातही अर्ध्यापेक्षा जास्त अमेरिकन लोकांना AI च्या नकारात्मक प्रभावांबद्दल चिंता आहे आणि ६१% लोकांचा असा विश्वास आहे की यामुळे मानवी भविष्याला धोका निर्माण होऊ शकतो. एका सर्व्हेतून हे सारंकाही समोर आलं आहे.

AI कंपन्यासह सर्वांनाच AI बद्दल चिंता

कायदेकर्ते आणि एआय कंपन्या देखील आर्टिफिशिअल इंटेलिजन्सबाबत चिंतेत आहेत. चॅटजीपीटी तयार करणाऱ्या ओपनएआयचे सीईओ सॅम ऑल्टमन यांनी मंगळवारी यूएस काँग्रेसला या टेक्नोलॉजीच्या संभाव्य गैरवापराबद्दल चिंता व्यक्त केली आणि नियमन करण्याचे आवाहन केले. सिनेटर कोरी बुकर म्हणाले, ‘या जिनीला बाटलीत ठेवण्याचा कोणताही मार्ग नाही. त्याचा जागतिक स्तरावर स्फोट होत आहे.”

वाचा : WhatsApp Tricks: आता वीजेचं बिल भरणं झालं सोपं, व्हॉट्सॲपद्वारेही भरु शकता बिल, या स्टेप्स करा फॉलो

रॉयटर्सच्या सर्व्हेतून महत्त्वाची माहिती समोर

रॉयटर्सच्या सर्वेक्षणात असे आढळून आले आहे की AI कडून वाईट परिणामांची अपेक्षा करणार्‍या अमेरिकन लोकांची संख्या ही अधिक आहे. या सर्व्हेमधून समोर आलेल्या एकंदरीत आकडेवारीनुसार, सर्वेक्षण केलेल्यांपैकी ६१% लोकांचा असा विश्वास आहे की एआय हे मानवतेसाठी धोका आहे, तर केवळ २२% या गोष्टीशी असहमत आहेत आणि १७% अनिश्चित आहेत.

वाचा : आर्टिफिशिअल इंटेलिजन्स अणुबॉम्बइतकाच धोकादायक! अब्जाधीश व्यावसायिक वॉरेन बफे म्हणाले…

​अमेरिकन खाण्यापिण्यापेक्षा गुन्हेगारी, एआय याची अधिक चिंता

फ्यूचर ऑफ लाइफ इन्स्टिट्यूटमधील यूएस पॉलिसीचे संचालक लँडन क्लेन म्हणाले, “यावरून अमेरिकन लोकांना एआयच्या नकारात्मक प्रभावांबद्दल चिंता असल्याचे दिसून येते.” ते म्हणाले की AI संशोधनावर ६ महिन्यांसाठी बंदी घालावी. आम्ही वर्तमान क्षणाला अणुयुगाची सुरुवात म्हणून पाहतो आणि त्यावर कार्य करण्यासाठी आपल्याकडे सामान्य ज्ञानाचा पुरेसा फायदा आहे.” सध्या लोकांना खाण्यापिण्यापेक्षा एआय, गुन्हेगारी, अर्थव्यवस्थेची जास्त चिंता आहे. ७७% अमेरिकन लोक गुन्हेगारीशी लढण्यासाठी पोलिस निधी वाढवण्याचे समर्थन करतात आणि ८२% मंदीच्या जोखमीबद्दलही चिंतित आहेत.

वाचाः फास्ट चार्जिंग फीचर तुमच्या स्मार्टफोनसाठी किती फायद्याचं किती तोट्याचं?

‘AI बद्दलची चिंता वैध’

Google X ची स्थापना करणारे स्टॅनफोर्ड येथील संगणक शास्त्राचे प्राध्यापक सेबॅस्टियन थ्रून म्हणाले, “AI बद्दलची चिंता अतिशय वैध आहे, परंतु मला वाटते की सामान्यत: यात कोणत्या त्रुटी आहेत ते पाहावे लागेल. कारण AI लोकांच्या जीवनाची गुणवत्ता वाढवेल आणि लोकांना अधिक सक्षम आणि अधिक कार्यक्षम बनण्यास मदत करेल.”

वाचाः Smartphone Photography : फोन ‘स्वस्त’ पण फोटो येतील ‘मस्त’, फक्त ‘या’ सोप्या टीप्स करा फॉलो

‘AI चे सकारात्मक उपयोगही’

Ion Stoica, UC Berkeley चे प्राध्यापक आणि AI कंपनी Eniscal चे सह-संस्थापक, म्हणाले की AI चे सकारात्मक उपयोग, जसे की औषध शोधात क्रांती आणणे, ChatGPT सारखे फायदेही आहेत. ते पुढे म्हणाले, “अमेरिकन लोकांना हे समजत नाही की त्यांच्या घरांमध्ये आणि कार्यालयांमध्ये एआय किती व्यापक आहे.”

वाचाःPhone Hacked: ‘या’ पाच गोष्टी होत असतील तर समजा हॅक झालाय तुमचा फोन, होऊ शकतो मोठा तोटा