Gmail Tips and Tricks : आजच्या काळात जवळपास प्रत्येकजणाचं जी-मेल (Gmail) वर अकाउंट आहे. प्रत्येकजण याचा वापर करतो. गुगल अकाउंट म्हणजेच जी-मेल अकाउंट असून अँड्रॉईड फोन वापरताना हे अकाउंट अनिवार्य असतं. याशिवाय ऑफिसेसमध्येही जी-मेल अकाउंट कामासाठी वापरले जातात. त्यामुळे
महाविद्यालयीन विद्यार्थी असो किंवा कार्यालयीन कर्मचारी, सर्वांसाठीच जी-मेल ही एक गरज बनली आहे. ऑफिसमधले कामाचे ई-मेल पाठवण्यासाठी प्रत्येकजण जी-मेलची मदत घेत असतो. तसंच गुगल शीट, गुगल मीट असे बरेच कामाचे इतर फीचर्सही जी-मेलच्या मदतीनेच वापरता येतात. दरम्यान आज आम्‍ही तुम्‍हाला जी-मेलच्‍या अशा काही ट्रिक्स सांगत आहोत जे तुमचा जी-मेल वापरण्याचा अनुभव आणखी सोप करतील. चला तर जाणून घेऊ जी-मेल संबधित पाच महत्त्वाच्या ट्रिक्स…

Undo Send Feature

undo-send-feature

Undo Send Feature हे एक अत्यंत उपयुक्त फीचर आहे. काहीवेळा आपण अनेकदा घाईघाईने मेल पाठवतो आणि त्यात काहीतरी चूक असते. तर कधी तेआपण अटॅचमेंटशिवायही मेल पाठवतो. अशा परिस्थितीत हे Undo Send फीचर तुमच्यासाठी उपयुक्त ठरेल. यासाठी तुम्हाला जीमेलच्या सेटिंग्जमध्ये जावे लागेल. त्यानंतर येथे दिलेला Undo Send एनाबेल करावं लागेल. त्यानंतर जेव्हा तुम्ही एखाद्याला मेल पाठवाल तेव्हा तुम्हाला डाव्या बाजूला Undo चा पर्याय दिसेल. या फीचरद्वारे तुम्ही चुकीचा पाठवलेला मेल मागे घेऊ शकता आणि तो दुरुस्त करून परत पाठवू शकता.

वाचा: iPhone 15 Pro : नवा आयफोन ठरणार गेम चेंजर, ‘या’ फीचर्सनी वाढवली चाहत्यांची उत्सूकता

Mute Feature

mute-feature

अनेकदा आपल्याला जाहिरातींचे तसंच काम नसणारे अनेक ईमेल Gmail मध्ये येत असतात. त्यांच्यापासून मुक्ती मिळवण्यासाठी, तुम्ही हे मेल हटवू शकता किंवा वारंवार सूचना मिळू नये म्हणून तुम्ही त्यांना म्यूट करू शकता. यासाठी तुम्हाला त्या मेलवर क्लिक करावे लागेल. येथे दिलेल्या तीन डॉट्सवर क्लिक करा आणि म्यूट पर्यायावर क्लिक करा.

​वाचाः Jio ची भन्नाट ऑफर, ९१ रुपयांमध्ये अनलिमिटेड कॉलिंगसोबत OTT आणि बरच काही…

​Gmail Language

gmail-language

आपण सारेज जी-मेल वापरत असतो. पण एखाद्याला इंग्रजी जास्त कळत नसेल तर तुम्हाला जीमेलची भाषा बदलायची सुविधाही दिली आहे. यासाठी तुम्हाला जीमेलच्या सेटिंग्जमध्ये जावे लागेल. त्यानंतर तुम्हाला येथे भाषा बदलण्याचा पर्याय मिळेल. तुम्ही तुमच्या सोयीनुसार कोणतीही भाषा निवडू शकता. त्यामुळे Gmail Language हे फीचरही फार उपयुक्त आहे.

वाचाः Window AC ला बाहेरच्या बाजुने का लावतात, कधी विचार केलाय?, जाणून घ्या नेमकं कारण

Gmail वर मोठी फाईल पाठवणे

gmail-

जर तुम्हाला Gmail वर 25MB पेक्षा जास्त मोठी फाईल अटॅचमेंट म्हणून पाठवायची असेल, तर तुम्ही ते सामान्य मेलमध्ये पाठवू शकत नाही. जी-मेल यासाठी परवानगी देत नाही. मोठ्या फाइल्स पाठवण्यासाठी, तुम्हाला ती फाइल Google Drive वर अपलोड करावी लागेल. यानंतर, तुम्ही ज्या व्यक्तीला अटॅचमेंट पाठवायचे आहे त्याला तुम्ही ड्राइव्हची लिंक पाठवू शकता.

वाचा: घराचं होईल थिएटर! Home Theater घ्यायचा विचार करताय? १० हजारांच्या आत हे आहेत बेस्ट ऑप्शन

​Grammar

grammar

मेल लिहिताना व्याकरणाच्या चुका टाळण्यासाठी हे खास फीचर आहे. तुम्ही तुमच्या इच्छेनुसार हे फीचर चालू किंवा बंद करू शकता. यासाठी तुम्हाला जी-मेलच्या सेटिंग्जमध्ये जावे लागेल. त्यानंतर तुम्हाला येथे Default Text Style अंतर्गत Grammar चा पर्याय दिसेल. तो पर्याय चालू करा. ज्यानंतर मेल लिहिताना तुम्ही चुकीचं काही टाईप केल्यास ग्रामर पर्यायामुळे तुम्हाला वाक्य नीट करता येईल.

वाचा : Jio recharge : दिवसभर ऑनलाईन असता? आणि डेटा पुरत नाही, जिओचा खास डेटा बुस्टर पॅक, किंमत फक्त ६१ रुपये

Gadget News in Marathi | Computer, Mobile and Technology Updates in Marathi

LEAVE A REPLY

Please enter your comment!
Please enter your name here