सॅमसंगपासून रियलमीपर्यंत जबरदस्त स्मार्टफोन, किंमत ८ हजारांपेक्षा कमी

एन्ट्री लेवल स्मार्टफोन सेगमेंट मध्ये खूप स्पर्धा वाढली आहे. मार्केटमध्ये असे अनेक स्मार्टफोन आहेत. जे या सेगमेंटमध्ये बेस्ट इन क्लास फीचर आणि खास वैशिष्ट्ये देत आहेत. लॉकडाऊन असल्याने युजर्संना स्वस्त स्मार्टफोन हवे आहेत. जे युजर्संची बेसिक गरज पूर्ण करतील. तसेच करमणुकीचे साधन म्हणून उपयोगी पडतील. त्यामुळे आम्ही तुम्हाला या ठिकाणी काही बेस्ट एन्ट्री लेवल स्मार्टफोन संबंधी माहिती देत आहोत. या ठिकाणी देण्यात येत आलेल्या स्मार्टफोनची किंमत ८ हजारांपेक्षा कमी आहे. वेगवेगळ्या कंपन्यांचे स्मार्टफोन खरेदी करण्याची संधी आहे. या फोनची किंमत ८ हजारांपेक्षा कमी असून यात जबरदस्त फीचर आणि खास वैशिष्ट्ये ऑफर करीत आहे. या ठिकाणी सॅमसंग पासून रियलमी पर्यंत स्मार्टफोनसंबंधी जाणून घ्या…

विवोच्या या स्मार्टफोनची किंमत ७ हजार ८९० रुपये आहे. या फोनमध्ये २ जीबी रॅम प्लस ३२ जीबी इंटरनल स्टोरेज दिला आहे. फोनची मेमरी एसडीकार्डच्या मदतीने २५६ जीबी पर्यंत वाढवता येवू शकते. फोनमध्ये ६.२२ इंचाचा एचडी प्लस डिस्प्ले दिला आहे. जो वॉटरड्रॉप नॉच सोबत येतो. या फोनमध्ये मीडियाटेक हीलियो P22 प्रोसेसर देण्यात आला आहे. या फोनमध्ये फोटोग्राफीसाठी १३ मेगापिक्सलचा एक रियर कॅमेरा दिला आहे. तर सेल्फीसाठी ५ मेगापिक्सलचा कॅमेरा दिला आहे. फोनला पॉवर देण्यासाठी 4,030mAh ची बॅटरी देण्यात आली आहे. तसेच हा फोन दोन कलरमध्ये उपलब्ध आहे.

सॅमसंगच्या या एन्ट्री लेवल स्मार्टफोनमध्ये ५.३ इंचाचा एचडी प्लस TFT डिस्प्ले दिला आहे. १ जीबी रॅम प्लस १६ जीबी इंटरनल स्टोरेज आणि २ जीबी रॅम प्लस ३२ जीबी इंटरनल स्टोरेजच्या या फोनमध्ये मीडियाटेक 6739 प्रोसेसर मिळणार आहे. मायक्रोएसडी कार्डच्या मदतीने या फोनचा स्टोरेज वाढवता येवू शकतो. या फोनमध्ये ५ मेगापिक्सलचा फ्रंट आणि ८ मेगापिक्सलचा रियर कॅमेरा दिला आहे. फोनला पॉवर देण्यासाठी या फोनमध्ये 3000mAh ची बॅटरी दिली आहे. फ्लिपकार्टवर या फोनची किंमत ६ हजार ५९० रुपये इतकी आहे.

मोटोरोलाच्या या फोनची किंमत ६ हजार ९९० रुपये इतकी आहे. या फोनमध्ये 720×1280 पिक्सल रेजॉलूशन दिला आहे. या फोनमध्ये ५ इंचाचा डिस्प्ले दिला आहे. २ जीबी पर्यंत रॅम आणि १६ जीबी पर्यंत इंटरनल स्टोरेज असणाऱ्या या फोनमध्ये क्वॉड-कोर मीडियाटेक MT6737 चिपसेट दिला आहे. फोनच्या रियरमध्ये फोटोग्राफीसाठी ८ मेगापिक्सलचा आणि फ्रंटला २ मेगापिक्सलचा कॅमेरा दिला आहे. फोनला पॉवर देण्यासाठी या फोनमध्ये 4000mAh ची बॅटरी दिली आहे. स्वस्तात मस्त फोन हवा असणाऱ्या युजर्ससाठी मोटो सी चा हा फोन एक चांगला पर्याय ठरू शकतो.

चीनची कंपनी रियलीचा सी २ या फोनची किंमत ६ हजार ४९९ रुपये आहे. हा फोन तीन व्हेरियंटमध्ये उपलब्ध आहे. फोनमध्ये ६.१ इंचाचा एचडी प्लस डिस्प्ले दिला आहे. जो वॉटर ड्रॉप नॉच डिझाईनसोबत येतो. फोनमध्ये फोटोग्राफीसाठी ड्यूल रियर कॅमेरा सेटअप दिला आहे. यात १३ मेगापिक्सलचा प्रायमरी सेन्सर सोबत २ मेगापिक्सलचा डेप्थ सेन्सर सुद्धा दिला आहे. फोनला पॉवर देण्यासाठी 4000mAh ची बॅटरी दिली आहे. या फोनमध्ये मीडियाटेक हीलियो P22 चिपसेट दिला आहे. तुमचे बजेट ८ हजारांपेक्षा कमी असेल तर रियलमीचा हा फोन तुमच्यासाठी एक चांगला ऑप्शन ठरू शकतो.

Gadget News in Marathi: Computer, Mobile, Auto News in Marathi | Maharashtra Times