जपानमध्ये लाँच होणारा हा ५ जीपेक्षा दहापट वेगवान असणार असल्याचे एका वृत्तात म्हटले आहे. जपानच्या ६ जी नेटवर्कला डेव्हलप करण्यासाठी जपान सरकारने प्रयत्न सुरू केले आहेत. त्यासाठी गर्व्हमेंट-सिव्हिलियन रिसर्च सोसायटीची स्थापना करण्यात आली आहे. जपान येत्या १० वर्षात म्हणजे २०३० पर्यंत ६ जी लाँच करण्याच्या प्रयत्नात आहेत. जपानने यासाठी आर्थिक तरतूद केली आहे.
५ जीपेक्षा वेगवान नेटवर्क तयार करण्यासाठी जपानसोबत इतर देशही स्पर्धेत आहेत. यामध्ये दक्षिण कोरिया, फिनलँड आणि चीनदेखील ५ जीपेक्षा अधिक वेगवान नेटवर्क तयार करण्याच्या प्रयत्नात आहेत. चीनने ६ जी नेटवर्कसाठी आर्थिक तरतूदही केली आहे.
५ जी मध्ये काय आहे?
६ जी नेटवर्क किती वेगवान असेल हे समजून घेण्यासाठी ५ जी नेटवर्क समजून घ्याव लागेल. ५ जी नेटवर्क हे ४जी पेक्षा २० पट अधिक वेगवान असणार आहे. एक पूर्ण एचडी चित्रपट अवघ्या काही सेकंदात डाउनलोड करता येणार आहे. भविष्यात स्वयंचलित कारदेखील ५ जीच्या माध्यमातून संचलित करता येणार आहेत.
Gadget News in Marathi: Computer, Mobile, Auto News in Marathi | Maharashtra Times
