मुंबई टाइम्स टीम

काही दिवसांपासून फेसबुक यूजर्सना वेगवेगळ्या प्रकारची नोटिफिकेशन्स येतात त्यामध्ये ‘पीपल यू मे नो’ असा संदेश लिहिलेला असतो. त्यापैकी काही जण तुम्हाला तुमच्या फ्रेंडलिस्टमध्ये नको असतात. पण, अनेकदा या यादीतील युजर्स अचानक मित्रांच्या यादीत समाविष्ट झालेले दिसतात. संबंधित युजर्सच्या परवानगीशिवाय या नव्या मित्र-मैत्रिणींचा फ्रेंडलिस्टमध्ये समावेश झाल्यानं आश्चर्याचा धक्का बसतो. अनेकांना हा अनुभव येऊ लागला आहे. अलीकडे या घटना वारंवार घडत असल्यानं सावधगिरी बाळगण्याचा इशारा तज्ज्ञांकडून देण्यात आला आहे.

स्मार्टफोन वापरकर्ते बऱ्याचदा गेम किंवा इतर अॅप्स लॉग इन करण्यासाठी फेसबुकचा वापर करतात. त्यामुळेही अशा घटना घडत असल्याचं सायबरतज्ज्ञांकडून सांगण्यात आलं आहे. अॅपसाठी वापरल्या जाणाऱ्या फेसबुक लॉग इनवर फेसबुक कंपनीचं कोणतंही नियंत्रण नसल्याचं याआधीच कंपनीतर्फे स्पष्ट करण्यात आलं आहे. त्यामुळे युजर्सना विश्वासात न घेता काही व्यक्ती थेट फ्रेंडलिस्टमध्ये समाविष्ट होण्याचे प्रकार घडत आहेत. त्यामुळे नागरिकांनी अॅपमध्ये लॉग इन करताना फेसबुकऐवजी मोबाइल क्रमांक किंवा ई-मेल आयडीचा वापर करावा, अशा सूचना देण्यात आल्या आहेत.

सावधगिरी बाळगण्याचा इशारा

फेसबुक अकाउंट सुरू करताना युजर्सना मोबाइलमधील कॅमेरा, काँटॅक्ट, फोटो, माइक अशा अनेक गोष्टींसाठी परवानगी द्यावी लागते. फेसबुकद्वारे केलेल्या चॅटचा डेटाही त्यांच्याकडे असतो. वैयक्तिक माहितीचा सगळा डेटा फेसबुककडे असताना आता त्यात ‘फ्रेंड रिक्वेस्ट मालवेअर’ची भर पडल्यानं सावध राहण्याचा इशारा सायबरतज्ज्ञ देत आहेत.

फेसबुक वापरताना फ्रेंड रिक्वेस्ट मालवेअर समजून घेणं अत्यंत महत्त्वाचं आहे. युजर्सना येणाऱ्या नोटिफिकेशन्सवर लक्ष ठेवण्याची गरज आहे. कोणतंही अॅप वापरताना फेसबुकद्वारे लॉग इन करणं धोकादायक ठरू शकतं. हा धोका ओळखून सावधगिरी बाळगण्याची गरज आहे.

– रोहन न्यायाधीश, सायबरतज्ज्ञ

Gadget News in Marathi: Computer, Mobile, Auto News in Marathi | Maharashtra Times

LEAVE A REPLY

Please enter your comment!
Please enter your name here