ई-कॉमर्स साइट्स फ्लिपकार्ट आणि अॅमेझॉनवर हा फोन खरेदी करता येऊ शकतो. शिवाय ऑफलाइन रिटेलर्सकडे फोन खरेदी करता येऊ शकतो. ओप्पो हा आपला फोन रिअलमी x2 आणि विवो एस१ प्रो च्या स्पर्धेत उतरवला आहे.
फोनची वैशिष्ट्ये:
या मोबाइलमध्ये चार रिअर कॅमेरे देण्यात आले आहेत. फोनमध्ये ४८ मेगापिक्सलचा क्वॉड कॅमेरा सेटअप देण्यात आला आहे. या स्मार्टफोनमध्ये VOOC फ्लॅशचार्ज ३.० टेक्नॉलॉजीचा सपोर्टही देण्यात आला आहे. मागच्या एका अहवालानुसार VOOC फ्लॅश चार्ज ३.०च्या मदतीने ५ मिनिट स्मार्टफोन चार्ज केल्यावर २ तासांचा टॉकटाइम मिळतो. या फोनमध्ये ४८ मेगापिक्सलचा प्रायमरी कॅमेरा देण्यात आल्याने यूजर्सला त्यांचा फोटोग्राफीचा छंदही जोपासता येणार आहे. या फोनमधील फिचर इन डिस्प्ले फिंगरप्रिंट ३.० द्वारे डिव्हाइस केवळ ०.३२ सेकंदातच अनलॉक करता येणार आहे. या फोनची उंची ७.९ मीटर असून वजन १७२ ग्राम एवढे आहे. ८ जीबी रॅम हे या फोनचं वैशिष्ट्ये आहे.
किंमत आणि ऑफर्स
ओप्पोच्या या फोनची किंमत १९ हजार ९९० रुपये आहे. या मोबाइलचा ८ जीबी रॅम आणि १२८ जीबी स्टोरेज हा एकच वेरिएंट लाँच करण्यात आला आहे. ओप्पो F15 वर ऑफर्सही देण्यात आल्या आहेत. हा फोन २६ जानेवारीपर्यंत खरेदी केल्यास वन-टाइम स्क्रिन रिप्लेसमेंटशिवाय इतरही फायदे ऑफरमध्ये मिळणार आहेत. एचडीएफसी, आयसीआयसीआय बँक आणि यस बँकच्या ग्राहकांना ऑफलाइन खरेदीवर ५ टक्के कॅशबॅक मिळणार आहे. बजाज फायनान्सच्या मदतीने फोन खरेदी केल्यास झिरो डाउनपेमेंटचा करून फोन खरेदी करता येऊ शकतो. त्याशिवाय जिओच्या युजर्सना १०० टक्के अॅडिशनल डेटा बेनिफिट्स मिळत आहेत.
Gadget News in Marathi: Computer, Mobile, Auto News in Marathi | Maharashtra Times
