‘किसी से अपने दिल की बात तू कहना ना भूले से, यहाँ खत भी थोड़ी देर में अखबार होता है’ असे एक शायर म्हणून गेला आहे. काही प्रमाणात हा शेर व्हॉट्सअॅपच्या प्रस्तावित धोरणाला लागू होणारा आहे. इन्स्टंट मेसेजिंगच्या विश्वातील लोकप्रिय व्हॉट्सअॅपवरील खासगी माहिती वैश्विक चव्हाट्यावर येणार असल्याने चुपकेचुपके चॅट करणाऱ्यांच्या मनात आता धडकधडक सुरू झाले आहे.
वाचाः
पायलीचे पन्नास मेसेजिंग अॅपच्या गर्दीत झुक्याभौच्या व्हॉट्सअॅपचा तोरा काही औरच आहे. सोशल दुनियेतले हे बादशहा अॅप आता अनेकांसाठी डोकेदुखी ठरू शकणार आहे. व्हॉट्सअॅपने नव्या वर्षात नवीन प्रायव्हसी पॉलिसी आणली आहे. ८ फेब्रुवारीपर्यंत या अटी स्वीकारणे युजरसाठी अनिवार्य आहे. व्हॉट्सअॅपने आपल्या गोपनीयता धोरणात केलेले बदल वापरकर्त्यांची गोपनीयता गुंडाळण्यास पुरेशी ठरणार आहे. या पार्श्वभूमीवर, प्रियकर-प्रेयसींचे फुलणारे रात्री बारानंतरचे प्रेम आता आंकुचन पावण्याची शक्यता आहे. काहींनी तर आतापासूनच फार मोजके बोलण्यास सुरुवात केली आहे. शोना, बाबू, पिल्लू म्हणूत कुरवाळणारे मेसेजेसही आता बंद होणार की काय, अशी शंका उपस्थित होत आहे. मुख्य म्हणजे, मिम्सकारांनी यावर लागलीच मिम्स तयार करून उच्छाद मांडल्याने अनेकांची धडकन वाढली आहे. काहींनी आता ऑफिसातील बॉसवरील जोक्स, गल्लीतील खडूस शेजारी, सोसायटीतील गॉसिपिंगसुद्धा आवरते घेतले आहे. धोरण लागू होण्यापूर्वीच निर्माण झालेली ही धास्ती प्रत्यक्षात ८ फेब्रुवारीनंतर पाहण्याजोगी ठरणार आहे.
वाचाः
कोणती माहिती जाहीर होणार?
– व्हॉट्सअॅप युजरचा इंटरनेट प्रोटोकॉल अ‍ॅड्रेस (आयपी अ‍ॅड्रेस) फेसबुक, इन्स्टाग्राम किंवा दुसऱ्या कुणालाही देऊ शकणार.
– मोबाइल किंवा लॅपटॉप, संगणकाशी संबंधित बॅटरी लेव्हल, सिग्नल स्ट्रेंग्थ, अप व्हर्जन, ब्राऊझरशी संबंधित माहिती तसेच भाषा, फोन नंबर, मोबाइल आणि इंटरनेट सेवा देणाऱ्या कंपनी यांसारखी माहिती व्हॉट्सअॅप एकत्र करू शकेल.
– व्हॉट्सअॅपने भारतात निधी हस्तांतरण सेवा सुरू केली आहे. त्याद्वारे युझरची आर्थिक देवाणघेवाणीशी संबंधित माहिती पुरवली जाऊ शकते.
वाचाः
वाचाः
वाचाः
Gadget News in Marathi: Computer, Mobile, Auto News in Marathi | Maharashtra Times
