नवी दिल्लीः कोरियाची कंपनी सॅमसंग (Samsung) ने स्मार्टफोनमध्ये वाढलेली स्पर्धा लक्षात घेऊन आपला प्रसिद्ध फोन गॅलेक्सी () ची किंमत कमी केली आहे. सॅमसंगच्या चाहत्यांना आता फोन खरेदी करण्यासाठी जास्तीचे पैसे मोजावे लागणार नाहीत. प्रसिद्ध महेश टेलिकॉमच्या अधिकृत ट्विटर अकाउंटवरून याची माहिती देण्यात आली आहे. या फोनची किंमत याआधीही कमी करण्यात आली होती.

या स्मार्टफोनच्या किंमतीत २५०० रुपये कपात करण्यात आल्यानंतर ४ जीबी रॅमचा फोन केवळ १७ हजार ४९९ रुपयांना खरेदी करण्याची संधी ग्राहकांना मिळणार आहे. या फोनची खरी किंमत १९ हजार ९९९ रुपये इतकी होती. तर ६ जीबी रॅमच्या फोनची किंमत १९ हजार ९९९ रुपये इतकी आहे. या फोनची खरी किंमत २१ हजार ९९९ रुपये आहे. या नवीन फोनच्या किंमतीची माहिती ई-कॉमर्स साइट अॅमेझॉन आणि फ्लिपकार्ट आणि कंपनीच्या अधिकृत साइटवर आहे. Samsung Galaxy A50s मध्ये ६.४ इंचाचा एफएचडी प्लस सुपर अमोलेड इनफिनिटी यू डिस्प्ले दिला आहे. याचे रिझॉल्युशन 1080X2340 आहे. तसेच इन डिस्प्ले फिंगरप्रिंट सेन्सर आहे. तसेच फोनमध्ये एक्सिनॉस 9610 चिपसेट प्रोसेसर आहे. ४ जीबी रॅम सह १२८ जीबी इंटरनल स्टोरेज दिला आहे.

या फोनमध्ये बॅकला ट्रिपल रियर क्रमेऱ्याचा सेटअप दिला आहे. यात ४८ मेगापिक्सल प्रायमरी कॅमेरा, ८ मेगापिक्सलचा अल्ट्रा वाइड अँगल आणि ५ मेगापिक्सलचा डेप्थ सेन्सर देण्यात आला आहे. तर सेल्फी प्रेमीसाठी ३२ मेगापिक्सलचा कॅमेरा आहे. कनेक्टिव्हिटीसाठी ४ वीओएलईटी, जीपीएस, वाय-फाय आणि यूएसबी पोर्ट सी यासारखे फीचर्स देण्यात आले आहेत. ४००० एमएएच क्षमतेची बॅटरी देण्यात आली आहे.

Gadget News in Marathi: Computer, Mobile, Auto News in Marathi | Maharashtra Times

LEAVE A REPLY

Please enter your comment!
Please enter your name here