नवी दिल्लीः दक्षिण कोरियाची स्मार्टफोन कंपनी ए सीरिजचा नवा स्मार्टफोन भारतात आज लाँच करण्यात आला आहे. या आधी कंपनीने सॅमसंग लाँच केला होता. कंपनीने हा स्मार्टफोन नुकताच व्हिएतनाममध्ये लाँच केला होता. त्यानंतर कंपनीने भारतीय बाजारात हा फोन लाँच केला आहे. या फोनची टक्कर विवोच्या व्ही १७, ओप्पो रेनो आणि वन प्लस७ या स्मार्टफोनशी होणार आहे.

सॅमसंग गॅलेक्सी ए७१ ची सुरुवातीची किंमत २९ हजार ९९९ रुपये आहे. कंपनीने गेल्यावर्षी लाँच केलेल्या गॅलेक्सी ए७० चा लेटेस्ट फोन म्हणून या फोनकडे पाहिले जाते. या नव्या फोनमध्ये अनेक नवीन अपग्रेड्स फीचर्स आणि खास वैशिष्ट्ये आहेत. हा फोन प्रिज्म क्रश ब्लॅक, प्रिज्म क्रश सिल्वर आणि प्रीज्म क्रश ब्लू या तीन रंगात उपलब्ध केला आहे. या फोनची विक्री २४ फेब्रुवारीपासून सुरू करण्यात येणार आहे. तसेच ऑनलाइन व ऑफलाइनमध्ये हा फोन उपलब्ध होणार आहे.

Galaxy A71 ची खास वैशिष्ट्ये

या फोनमध्ये ६.७ इंचाचा डिस्प्ले असणार आहे. १०८०x२४०० रिझॉल्युशन पिक्सल असणार आहे. ६ जीबी रॅम आणि ८ जीबी रॅम तसेच १२८ जीबी इंटरनल स्टोरेजचा पर्यायासह पॉवरफुल ऑक्टा-कोर स्नॅपड्रॅगन ७३० एसओसी प्रोसेसर देण्यात आला आहे. या फोनमध्ये क्वॉड कॅमेऱ्याचा सेटअप दिला आहे. या फोनमध्ये ६४ मेगापिक्सलचा प्रायमरी सेन्सर सह १२ मेगापिक्सलचा अल्ट्रा वाइड अँगल, ५ मेगापिक्सलचा डेप्थ सेन्सर आणि ५ मेगापिक्सलचा मायक्रो सेन्सर दिला आहे. सेल्फीसाठी ३२ मेगापिक्सलचा फ्रंट कॅमेरा दिला आहे. गॅलेक्सी ए७१ मध्ये २५ वॅटची फास्ट चार्जिंगसह ४५०० एमएएच क्षमतेची बॅटरी दिली आहे.

Gadget News in Marathi: Computer, Mobile, Auto News in Marathi | Maharashtra Times

LEAVE A REPLY

Please enter your comment!
Please enter your name here